Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  December 2016

 LAEF BILONG CHRISTIAN

Iusim Buk ‘Gohed Kasem Gud Samting From Love Bilong God’ for Kasem Heart

Iusim Buk ‘Gohed Kasem Gud Samting From Love Bilong God’ for Kasem Heart

WHY HEM IMPORTANT: Pipol mas lane abaotem olketa standard bilong Jehovah and followim mekem hem acceptim worship bilong olketa. (Isa 2:3, 4) Datfala buk “Love Bilong God,” wea hem mek-tu buk wea iumi savve studyim witim wanfala Bible study, hem savve helpem hem for luksavve hao for followim olketa Bible principle. (Heb 5:14) Iumi mas trae for kasem heart bilong Bible study taem iumi teachim hem, mekem stretfala samting nao muvim hem for changem wei bilong hem.—Ro 6:17.

WANEM FOR DUIM:

  • Prepare gud and tingim need bilong Bible study bilong iu. Askem olketa kwestin wea bae helpem iu for savve long tingting and feeling bilong hem abaotem wanem iutufala studyim.—Pr 20:5; be 259

  • Storyim olketa box insaed long buk for helpem Bible study for luksavve gud samting wea hem savve kasem taem hem followim olketa Bible principle

  • Helpem Bible study for ting raonem olketa samting wea man seleva savve disaedem followim konsens bilong hem, bat no mekem disison for hem.—Ga 6:5

  • Sapos hem luk olsem Bible study no followim samfala Bible principle, askem hem long kaenfala wei sapos hem needim help. Then encouragem hem for luksavve love bilong hem for Jehovah nao shud mekem hem for change.—Pr 27:11; Joh 14:31