Jehovah no favorim eniwan. (Ac 10:34, 35) Hem acceptim pipol “from evri kantri and tribe and pipol and languis.” (Re 7:9) So hem no fitim for eniwan long kongregeson for ting daonem or favorim narawan. (Jas 2:1-4) Iumi hapi Jehovah teachim iumi for changem olketa nogud wei bilong iumi mekem iumi savve stap insaed long disfala spiritual paradaes. (Isa 11:6-9) Taem iumi traem best for aotem from heart bilong iumi eni wei for ting daonem narawan, datwan showimaot iumi followim example bilong God.—Eph 5:1, 2.

LUKLUK LONG VIDEO JOHNY AND GIDEON: FIRSTAEM ENEMY, DISTAEM BRATA. THEN ANSAREM OLKETA KWESTIN HIA:

  • Why nao teaching wea kam from Jehovah hem winim wanem olketa man trae for duim for finisim wei for favorim and ting daonem narawan?

  • Wanem nao mekem iu tinghae long wei wea olketa brata and sista bilong iumi evriwea long world stap gud tugeta?

  • Taem iumi stap gud tugeta, hao nao datwan mekhae long Jehovah?