Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  December 2016

 LAEF BILONG CHRISTIAN

“Mi Long Hia! Sendem Mi!”

“Mi Long Hia! Sendem Mi!”

Iumi barava laek for followim example bilong profet Isaiah. Hem garem faith and willing for duim wanfala assignment nomata hem no savve evri samting abaotem datwan. (Isa 6:8) Waswe, iu willing for changem samfala samting mekem iu savve muv go long ples wea needim samfala pablisa moa? (Ps 110:3) Hem important for ‘ting raonem firstaem sapos iu garem inaf selen’ for duim datwan. (Lu 14:27, 28) Bat iumi mas willing for mekem samfala sakrifaes mekem iumi duim preaching waka. (Mt 8:20; Mr 10:28-30) Olsem iumi lukim long datfala video Muv Go Long Ples wea Needim Samfala Pablisa Moa, olketa blessing wea iumi kasem taem iumi duim waka bilong Jehovah hem winim eni sakrifaes wea iumi mekem.

BIHAEN IUFALA LUKLUK LONG VIDEO, ANSAREM OLKETA KWESTIN HIA:

  • For famili bilong William muv go long Ecuador, wanem nao olketa sakrifaes wea olketa mekem?

  • Wanem nao samfala samting wea olketa ting raonem taem olketa chusim ples wea bae olketa muv go long hem?

  • Wanem nao olketa blessing wea olketa kasem?

  • Wea nao iu savve faendem samfala information moa abaotem wei for muv go long ples wea needim samfala pablisa moa?

LONG NEXT FAMILI WORSHIP, STORY RAONEM OLKETA KWESTIN HIA:

  • Wanem nao famili bilong iumi savve duim, mekem iumi duim moa samting long ministry? (km 8/11 2, 4)

  • Sapos iumi no fit for muv long ples wea needim samfala pablisa moa, wanem nao samfala samting wea iumi savve duim for helpem kongregeson? (w16.03 23-25)