Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  April 2017

 LAEF BILONG CHRISTIAN

Welkamim Olketa wea Kam Long Meeting

Welkamim Olketa wea Kam Long Meeting

Hu nao bae iumi welkamim? Hem gud for welkamim evriwan wea kam long meeting, olsem olketa niu wan and olketa brata and sista tu. (Ro 15:7; Heb 13:2) Samfala brata or sista maet visit kam from nara kantri, or hem wanfala inactive pablisa wea start for kakam moa long meeting. Sapos iu nao wanfala hia, bae iu tinghae tumas long olketa brata and sista wea welkamim iu, iaman? (Mt 7:12) So hem gud for traem best for go raon long Kingdom Hall and welkamim narawan bifor and bihaen long meeting. Datwan bae helpem kongregeson for garem love, stap gud tugeta, and pipol bae praisem Jehovah. (Mt 5:16) Hem tru, hard for iumi story witim evriwan wea kam long meeting, bat sapos iumi traem best for welkamim narawan, iumi bae hapi. *

Iumi shud evritaem welkamim olketa wea kam long meeting. Iumi no weit for taem bilong olketa spesol hipap nomoa, olsem Memorial. Taem olketa niu wan lukim iumi showimaot love and welkamim olketa, olketa tu bae praisem God and laek for worshipim hem.—Joh 13:35.

^ par. 3 Olketa Bible principle showimaot iumi mas no associate witim olketa wea disfellowship or disassociate wea kam long meeting.—1Co 5:11; 2Jo 10.