Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  April 2017

 LAEF BILONG CHRISTIAN

Olketa Kingdom Song Savve Strongim Iumi

Olketa Kingdom Song Savve Strongim Iumi

Taem Paul and Silas stap long prison tufala singsing for praisem God. (Ac 16:25) Olketa brata and sista wea stap long Sachsenhausen concentration camp long Nazi Germany, and long Siberia, olketa tu singim olketa Kingdom song. Olketa example hia showimaot olketa Kingdom song savve strongim olketa Christian wea kasem hard taem.

Klosap nao staka brata and sista bae kasem datfala niu song buk, “Sing Out Joyfully” to Jehovah, long languis bilong olketa. Taem iumi kasem diswan, hem gud for practicem olketa song hia long taem bilong famili worship mekem iumi savve gud long olketa. (Eph 5:19) Then holy spirit bae helpem iumi for rememberim olketa song hia taem iumi kasem hard taem. Olketa Kingdom song savve helpem iumi for tingim hope bilong iumi. Olketa song hia savve strongim iumi taem iumi kasem hard taem. And tu, iumi singim olketa song hia from iumi hapi. (1Ch 15:16; Ps 33:1-3) Iumi laek for gohed singim olketa Kingdom song!

LUKIM VIDEO, SONG WEA STRONGIM OLKETA PRISONER, AND THEN ANSAREM OLKETA KWESTIN HIA:

  • Hao nao gogo brata Frost hem raetem wanfala song?

  • Long wanem wei nao datfala song hem strongim olketa brata wea stap long Sachsenhausen concentration camp?

  • Long olketa wanem taem nao olketa Kingdom song savve strongim iumi?

  • Which Kingdom song nao iu laek for baeheartim?