Skip to content

Skip to secondary menu

Skip to table of contents

Olketa Jehovah’s Witness

Solomon Islands Pidgin

Laef and Ministry Meeting Buk  |  April 2017

 LAEF BILONG CHRISTIAN

Encouragem Olketa wea Inactive

Encouragem Olketa wea Inactive

Evri year, staka wea inactive savve kam long Memorial. Olketa start for ranran long resis for kasem laef bat gogo samfala samting mekem olketa wikdaon long spiritual wei. Datfala brochure Kam Bak Long Jehovah storyim samfala long olketa samting hia. (Heb 12:1) Bat Jehovah nating forgetim olketa wea inactive, wea hem baem olketa long blood bilong Son bilong hem. (Ac 20:28; 1Pe 1:18, 19) Wanem nao iumi savve duim for helpem olketa for kam bak long kongregeson?

Olsem man wea lukaftarem sheepsheep hem traem best for go faendem sheepsheep wea lus, olketa elder tu waka hard for lukaotem olketa wea inactive for helpem olketa. (Lu 15:4-7) Diswan showimaot Jehovah barava lovem iumi. (Jer 23:3, 4) Iumi evriwan savve encouragem olketa wea inactive, no olketa elder nomoa. Taem Jehovah lukim iumi waka hard for helpem and kaen long olketa hia, datwan mekem hem hapi and iumi tu hapi. (Pr 19:17; Ac 20:35) So tingim eniwan wea iu savve encouragem, and no hol bak for encouragem hem!

LUKLUK LONG VIDEO ENCOURAGEM OLKETA WEA INACTIVE, AND THEN ANSAREM OLKETA KWESTIN HIA:

  • Wanem nao Abbey duim taem hem meetim wanfala woman wea hem no savve hem wanfala Witness?

  • Why nao iumi shud story witim olketa elder sapos iumi laek for helpem eniwan wea inactive?

  • Wanem nao Abbey duim bifor hem go visitim Laura long mek-tu taem?

  • Hao nao Abbey showimaot hem no kwiktaem for givap, hem patient, and hem garem love taem hem encouragem Laura?

  • Wanem nao iumi savve lanem from tokpiksa bilong Jesus long Luke 15:8-10?

  • Wanem gud samting nao kamaot from wei wea evriwan long kongregeson encouragem Laura?