Skip to content

Skip to table of contents

Health

Health

Bible hem no wanfala health buk, bat hem garem olketa principle wea savve helpem iumi for garem gudfala health. Tingim samfala Bible principle wea savve helpem iumi for healthy.

LUKAFTAREM BODY BLO IUMI

BIBLE PRINCIPLE: “No eni man heitim body bilong hemseleva bat hem feedim and lovem body bilong hem.”—Ephesus 5:29.

WANEM HEM MINIM: Disfala Bible principle encouragem iumi for lukaftarem gud body blo iumi. Wanfala report showimaot man savve sik sapos hem no lukaftarem gud hemseleva. So hem gud for lukaftarem body blo iumi.

SAMTING IU SAVVE DUIM:

  • Kaikai. Hem important for kaikaim healthy kaikai and drinkim inaf wata.

  • Exercise. Wei for exercise savve helpem iu for garem gudfala health. Iu savve duim lelebet exercise nomata iu sik or disable. Famili, olketa frens, and doctor savve givim iu idea lo wanem exercise for duim and encouragem iu for duim datwan, bat iuseleva nao mas exercise!

  • Kasem Inaf Sleep. Pipol wea no kasem inaf sleep for staka week or month savve kamap barava sik. Staka pipol no kasem inaf sleep bikos olketa laek for duim nara samting lo taem for sleep. Bat sapos iu kasem inaf sleep, datwan bae helpem iu for healthy.

NO DUIM SAMTING WEA SPOELEM BODY

BIBLE PRINCIPLE: “Iumi mas klinim from body bilong iumiseleva eni samting wea savve mekem body or tingting bilong iumi for no klin.” —2 Corinth 7:1.

 WANEM HEM MINIM: Man wea smoke bae mekem body blo hem for no klin, so sapos hem stop for smoke datwan savve helpem hem for misstim samfala sik or for no dae tu.

SAMTING IU SAVVE DUIM: Chusim day wea iu bae stop for smoke and raetem lo kalenda. Wanfala day bifor datfala day wea iu markem, mek sure iu no garem eni cigarette, masis, lighter, or eni nara samting olsem. Taem pipol smoke, no stap witim olketa. Storyim disison blo iu for stop smoke lo olketa frens and famili mekem olketa helpem iu.

SAMFALA NARA BIBLE PRINCIPLE

Sapos iu laek for kasem wanfala Bible, iu savve askem eni Jehovah’s Witness

TINGIM SAFETY.

“Taem yufala wakem wanfala haos wea ruf blong hem hemi ples fo go res long hem, yufala mas mekem reil hemi goraon long ruf ya . . . mekem no eniwan save foldaon from hem an dae.”—DIUTRONOMI 22:8.

KONTROLEM KROS.

“Man no save kros kuiktaem, hemi waes fogud. Man save kros kuiktaem, hemi krangge fogud.”—PROVEBS 14:29.

NO OVA TUMAS LO KAIKAI.

“Yu no joenem olketa hu i . . . kaikai tumas.”—PROVEBS 23:20.