Skip to content

Skip to table of contents

 STUDY 15

Showimaot Iu Sure Wanem Iu Talem Hem Tru

Showimaot Iu Sure Wanem Iu Talem Hem Tru

1 Thessalonica 1:5

WANEM FOR DUIM: Showimaot iu barava sure long wanem iu talem hem tru and hem important.

HAO FOR DUIM:

  • Prepare gud. Studyim gud information go kasem taem iu minim olketa main idea and minim tu hao Bible sapotim olketa idea hia. Olketa main point long tok bilong iu shud simpol and klia. Tingim hao information wea iu storyim bae helpem olketa wea lisin. Prea long God for holy spirit.

  • Iusim toktok wea showimaot iu barava biliv. Winim wei for baeheartim toktok from olketa pablikeson nomoa, iusim toktok bilong iuseleva. Iusim olketa word wea bae showimaot iu barava sure wanem iu talem hem tru.

  • Hao iu story shud showimaot iu sure wanem iu talem hem tru. No story kwaet, bat voice bilong iu mas laod fitim. Sapos fitim, luk long eye bilong olketa wea lisin.