Skip to content

Skip to table of contents

 LESON 16

Showim Love Bilong Iu for God

Showim Love Bilong Iu for God

For keepim wanfala fren, iu need for tok witim hem. Iu lisin long hem, and hem lisin long iu. Iu talem tu olketa gudfala samting abaotem fren bilong iu long nara pipol. Hem semsem tu witim wei for fren witim God. Tingim wanem Bible talem abaotem diswan:

Tok evritaem witim Jehovah insaed long prea. “Go ahed for prea.”—Romans 12:12.

Readim Word bilong God, Bible. “Evri Scripture kam from God and gud for teach, for givim kaonsel, for stretem evri samting.”—2 Timothy 3:16.

Teachim nara pipol abaotem God. “Dastawe go and mek disaepol long pipol bilong evri nation, . . . teachim olketa for duim evri samting wea mi komandim long iufala.”—Matthew 28:19, 20.

 Stap klos long olketa fren bilong God. “Man wea wakabaot witim wisefala pipol bae kamap wise.”—Proverbs 13:20.

Attendim olketa meeting long Kingdom Hall. “Letem iumi tingim and muvim narawan for showimaot love and gudfala waka, . . . encouragem narawan.”—Hebrews 10:24, 25.

Help for saportim Kingdom waka. “Letem each wan [givim] wanem hem disaedem long heart bilong hem, no from eniwan pushim or forcem hem, from God lovem man wea hapi for give.”—2 Corinthians 9:7.