Skip to content

Skip to table of contents

 SONG 139

Tingim Taem wea Evri Samting Hem Niu

Chusim Audio Recording
Tingim Taem wea Evri Samting Hem Niu
VIEW

(Revelation 21:1-5)

  1. 1. Trae tingim go taem wea iumi

    Bae stap long world wea hem niu and hapi.

    Peace bae hem stap for evriwan,

    For iumi free hem bae nambawan.

    No eni rabis man long there,

    Diswan hem rul bilong God wea kea.

    And laef bae hem change, hem bae olsem long start,

    And iumi bae singim

    bigfala praise from heart:

    (CHORUS)

    “God, thankiu for evri gud samting hia!

    Rul bilong Christ distaem hem showaot klia.

    Mifala tinghae and laek for singsing long iu,

    For praisem iu and for iu kasem glory tu.”

  2.  2. Trae tingim mi, and tingim iu

    Long taem wea disfala world hemi niu.

    No eni hard taem bae hem kam,

    No eni samting for spoelem man.

    Hem talem tru samting and then,

    Hem duim wanem hem promisim.

    Bae mekem laef bak evriwan insaed grev,

    For joinim singsing bilong

    evri man wea sev:

    (CHORUS)

    “God, thankiu for evri gud samting hia!

    Rul bilong Christ distaem hem showaot klia.

    Mifala tinghae and laek for singsing long iu,

    For praisem iu and for iu kasem glory tu.”

(Lukim tu Ps. 37:10, 11; Isa. 65:17; John 5:28; 2 Pet. 3:13.)