Skip to content

Skip to table of contents

 LAEF BLO CHRISTIAN

Jehovah Lovem Pipol wea Klin

Jehovah Lovem Pipol wea Klin

Parents savve teachim pikinini for stap klin. Olketa savve talem pikinini for wasim hand, klinim haos, swipim floor, or go torowem rabis. Bat God blo iumi wea holy givim iumi olketa principle for followim, mekem iumi klin. (Eksodas 30:18-20; Diutronomi 23:14; 2Co 7:1) Iumi mekhae lo Jehovah taem iumi keepim body klin, and keepim olketa nara samting klin. (1Pe 1:14-16) Waswe, iumi keepim haos and area blo iumi klin? Samfala pipol savve torowem rabis lo road and lo eni ples nomoa, bat iumi olketa Christian waka hard for keepim earth hem klin. (Sams 115:16; Re 11:18) Taem iumi torowem nomata smol samting olsem plastic blo loli, emti tin drink, or gum lo ples blo rabis, diswan showimaot iumi laek for stap klin. Lo evri samting iumi duim lo laef, iumi laek for ‘showimaot iumi olketa wakaman bilong God.’—2Co 6:3, 4.

LUKIM VIDEO GOD LOVEM PIPOL WEA KLIN, THEN ANSAREM OLKETA KWESTIN HIA:

  • Wanem excuse nao maet samfala talem from olketa no keepim klin olketa samting wea olketa garem?

  • Wanem nao Law blo Moses talem wea showimaot tingting blo Jehovah abaotem wei for klin?

  • Wanem nao iumi savve duim for mekhae lo Jehovah?

Hao nao mi savve showimaot mi laek for followim tingting blo Jehovah abaotem wei for klin?