Skip to content

Skip to table of contents

 LAEF BILONG CHRISTIAN

“Samting wea God Joinim Finis”

“Samting wea God Joinim Finis”

Law bilong Moses sei man wea laek for divorce mas raetem wanfala pepa for divorce. Diswan savve stopem pipol for no kwiktaem divorce. Bat long taem bilong Jesus, olketa bigman bilong olketa Jew mekem hem isi nomoa for man savve divorce. Olketa hasband savve divorcem waef bilong olketa for enikaen reason nomoa. (nwtsty olketa study note long Mr 10:​4, 11) Samting wea Jesus storyim showimaot Jehovah nao startim marit. (Mr 10:2-12) Jehovah sei hasband and waef bae kamap “wanfala body nomoa” and tufala bae stap tugeta for olowe. Long Matthew 19:9, Bible sei man savve divorce nomoa sapos marit partner “hem durong.”

Staka pipol distaem garem sem tingting olsem olketa Pharisee abaotem marit. Olketa no followim wanem Jesus talem. Taem problem kamap long marit, staka kwiktaem for divorce. Bat olketa Christian hasband and waef followim wanem Bible talem abaotem marit. Olketa waka hard for followim olketa Bible principle for stretem olketa problem bilong olketa. Bihaen iu lukim video Showimaot Love and Respect Insaed Marit, ansarem olketa kwestin hia:

  • Hao nao iu savve followim Provebs 15:1 long marit bilong iu, and why nao hem important?

  • Hao nao wei for followim Provebs 19:11 savve helpem iu for misstim olketa problem long marit?

  • Sapos iu kasem big problem long marit bilong iu and iu tingting for divorce, wanem nao samfala kwestin wea iu shud ting raonem?

  • Hao nao wei for followim Matthew 7:12 savve helpem iu for kamap gudfala hasband or waef?