Skip to content

Skip to table of contents

 LAEF BILONG CHRISTIAN

Parents, Duim Best for Helpem Pikinini Bilong Iu

Parents, Duim Best for Helpem Pikinini Bilong Iu

Parents wea lovem God laekem pikinini bilong olketa for worshipim Jehovah. Parents savve helpem pikinini for duim olsem sapos olketa start for teachim hem abaotem Bible taem pikinini smol yet. (Diutronomi 6:7; Provebs 22:6) Waswe, parents mas waka hard for duim diswan? Barava nao! Nomata olsem, staka gud samting savve kamaot from diswan.—3Jo 4.

Parents savve lanem staka gud samting from Joseph and Mary. Evri year olketa savve go long Jerusalem for celebratem Pasova, nomata datwan no isi and olketa mas spendem samfala selen for datfala gogo. (Lu 2:41) Diswan showimaot Joseph and Mary laekem famili for fren gud witim Jehovah. Parents distaem tu savve helpem pikinini for worshipim Jehovah taem olketa showimaot gudfala example and iusim evri chance for teachim olketa abaotem God.—Sams 127:3-5.

LUKIM VIDEO OLKETA WILLING FOR DUIM ENI ASSIGNMENT, THEN ANSAREM OLKETA KWESTIN HIA:

  • Wanem nao Jon and Sharon Schiller duim for mek sure Kingdom hem evritaem first samting taem tufala lukaftarem famili?

  • Why nao wei wea parents mas teachim and stretem pikinini bae hem no semsem?

  • Hao nao parents savve redyim pikinini for winim olketa test and gohed faithful?

  • Wanem nao samfala tul from organization bilong Jehovah wea iu iusim for helpem pikinini bilong iu for fren witim Jehovah?

Mek sure olketa spiritual samting hem main samting long famili bilong iu