Skip to content

Skip to table of contents

 GUD SAMTING FROM BIBLE | 2 THESSALONICA 1-3

Datfala Nogud Man Bae Showaot Klia

Datfala Nogud Man Bae Showaot Klia

2:6-12

Wanem nao olketa samting wea Paul storyim lo olketa verse hia minim?

  • “Holem bak” (vs. 6)—Luk olsem olketa aposol nao duim diswan

  • “Showaot” (vs. 6)—Bihaen olketa aposol dae, olketa apostate no hol bak for teachim olketa laea teaching

  • “Nogud samting wea disfala man duim hem gohed bat no showaot klia” (vs. 7)—Lo taem blo Paul pipol no luksavve hu nao datfala “nogud man”

  • “Nogud man” (vs. 8)—Distaem diswan hem minim olketa bigman blo olketa religion wea sei olketa Christian

  • ‘Lord bilong iumi Jesus bae finisim datfala nogud man long taem wea Jesus showaot klia hem stap’ (vs. 8)—Taem Jesus duim wanem Jehovah laekem for finisim world blo Satan and datfala “nogud man,” datwan bae showimaot klia Jesus hem King lo heven

Hao nao olketa verse hia helpem iu for luksavve hem barava important for gohed strong for preach?