Skip to content

Skip to table of contents

 GUD SAMTING FROM BIBLE | JENESIS 6-8

“Hemi Duim Evrisamting Ya Nao”

“Hemi Duim Evrisamting Ya Nao”

6:9, 13-16, 22

Tingim, Noah and famili mas barava waka hard for buildim ark bikos olketa no garem olketa tul and teknik lo hao for build olsem distaem.

  • Datfala ark hem big tumas. Long blo hem samting olsem 133 meter, waed blo hem 22 meter, and hae blo hem 13 meter

  • Olketa mas katem daon olketa tree, katem lo stretfala size and sheip, and liftim go lo ples hem shud stap

  • Olketa mas paintim tar insaed and aotsaed lo datfala maeti ark

  • Olketa mas tekem kaikai for fitim wanfala year for olketa seleva and olketa animal

  • Luk olsem olketa finis for buildim ark insaed 40 go kasem 50 year

Taem iumi kasem assignment from Jehovah wea no isi, hao nao disfala story savve encouragem iumi?