Skip to content

Skip to table of contents

 LAEF BILONG CHRISTIAN

Kamap Gud Long Ministry—Helpem Olketa Wea “Laekem Laef Olowe” For Kamap Disaepol

Kamap Gud Long Ministry—Helpem Olketa Wea “Laekem Laef Olowe” For Kamap Disaepol

WHY HEM IMPORTANT: Jehovah nao mekem seed bilong truth for grow insaed long heart bilong olketa wea “laekem laef olowe.” (Ac 13:48; 1Co 3:7) Iumi waka tugeta witim Jehovah taem iumi traem best for helpem olketa long ministry wea laek followim wanem olketa herem. (1Co 9:26) Olketa Bible student need for luksavve olketa mas baptaes mekem olketa kasem laef olowe. (1Pe 3:21) Hao nao iumi savve helpem olketa for kamap disaepol? Iumi helpem olketa for changem samting long laef bilong olketa, iumi trainim olketa for preach and teach, and iumi helpem olketa for dedicate long Jehovah.—Mt 28:19, 20.

HAO FOR DUIM:

  • Mek sure Bible study luksavve reason why hem studyim Bible hem for “lane abaotem” Jehovah and for duim wanem God laekem.—Joh 17:3

  • Helpem Bible study for changem samfala samting mekem hem grow long spiritual wei, olsem for lusim olketa nogud fren or stop for duim samting wea God no laekem

  • Strongim and encouragem Bible study bifor hem baptaes and bihaen hem baptaes.—Ac 14:22

LUKIM VIDEO JEHOVAH GOD BAE HELPEM IU, AND THEN ANSAREM OLKETA KWESTIN HIA:

  • Wanem nao maet mekem samwan for hol bak for dedicate and baptaes?

  • Wanem nao olketa elder savve duim for helpem olketa Bible study for laek duim moa samting for Jehovah?

  • Wanem nao iumi lanem abaotem Jehovah long Aesaea 41:10?

  • Iumi no need for perfect mekem iumi savve worshipim Jehovah, bat wanem nao iumi need for duim?

Hao nao iumi savve waka tugeta witim Jehovah for helpem pipol kamap disaepol?