Skip to content

Office and Tour Information

Mifala invaetem iu for duim tour long olketa office and building wea mifala duim printing. Faendaot wea nao olketa office stap and wanem taem nao iu savve duim tour.

 

Ukraine

Mekem Booking for Tour

Waswe, iu shud mekem booking for duim tour bifor iu arrive? Yes. For mek sure no staka pipol duim tour lo semtaem and evriwan enjoyim tour, plis mekem booking for duim tour bifor iu kam, nomata grup blo iufala hem big or smol.

Sapos iu no mekem booking firstaem, waswe, bae iu savve duim tour? Sapos iu no mekem booking, maet iu no savve duim tour. Olketa ples wea iu savve duim tour lo hem no big, so no staka savve duim tour evriday.

Wanem taem nao iu shud arrive for duim tour blo iu? Plis arrive bifor tour blo iu start, bat for mek sure no staka pipol tumas hipap for weitim tour, plis no arrive winim 15 minute bifor iu bae duim tour.

Hao nao iu savve mekem booking for duim tour? Clickim button “Mekem Booking.”

Waswe, iu savve changem or cancelim wanfala booking for tour? Yes. Clickim button “Lukim or Changem Booking.”

Waswe sapos no eni spes stap for tour lo day wea iu laekem? Gohed for chekim website. Maet samfala changem or cancelim booking blo olketa, so maet samfala spes kamap bihaen.

Olketa Tour

Lvivska Street 64

Briukhovychi

79491 LVIV

UKRAINE

+38 032-240-9200

Waka wea Branch Duim

Iu savve duim wanfala tour for 30-minute wea bae showim wanem branch duim for lukaftarem waka blo winim 1,500 kongregeson blo Olketa Jehovah’s Witness lo Ukraine, wanem branch duim for arrangem construction blo olketa Kingdom Hall, and waka blo branch for lukaftarem transleison blo olketa Bible pablikeson lo Romany (Chokeshi, Lovari), Romany (Ukraine), Russian Saen Languis, Rusyn (Carpathian), and Ukrainian languis.

And tu, olketa visitor savve lukim seleva wanfala display wea storyim history blo olketa Jehovah’s Witness lo Ukraine. Olketa visitor savve wakabaot tu raonem area blo branch and enjoyim lelebet kaikai and drink lo guest center. Tour hem for samting olsem 2.5 hour.

Daonlodim Tour Brochure