Skip to content

Office and Tour Information

Mifala invaetem iu for duim tour long olketa office and building wea mifala duim printing. Faendaot wea nao olketa office stap and wanem taem nao iu savve duim tour.

 

Hong Kong

Mekem Booking for Tour

Waswe, iu shud mekem booking bifor iu kam for duim tour? Yes. For mek sure no staka pipol duim tour lo semtaem and evriwan enjoyim tour, plis mekem booking for duim tour bifor iu kam, nomata grup blo iufala hem big or smol. Mekem booking winim wan week bifor iu kam. Sapos iu laek duim tour lo taem blo pablik holiday, iu shud mekem booking staka week bifor iu plan for kam.

Sapos iu no mekem booking firstaem, waswe, bae iu savve duim tour? Sapos iu no mekem booking, bae iu need for weitim taem wea samwan hem free for tekem iu lo tour. Bat, maet iu no savve duim tour. Olketa ples wea iu savve duim tour lo hem no big, so no staka savve duim tour evriday.

Wanem taem nao iu shud arrive for duim tour blo iu? For mek sure tour blo iu savve start followim taem wea olketa markem, plis arrive winim 10 minute bifor lo taem wea tour blo iu bae start.

Hao nao iu savve mekem booking for duim tour? Clickim button “Mekem Booking.”

Waswe, iu savve changem or cancelim wanfala booking for tour? Yes. Clickim button “Lukim or Changem Booking.”

Waswe sapos no eni spes stap for tour lo day wea iu laekem? Gohed for chekim website. Maet samfala changem or cancelim booking blo olketa, so maet samfala spes kamap bihaen.

Olketa Tour

1 Hung To Road, Floor 22

Kwun Tong

KOWLOON

HONG KONG

+852 3950-3500

(Iu savve wakabaot for faevfala minute from Ngau Tau Kok train station for kasem office blo mifala. Lo train station, tekem exit B6.)

Waka wea Branch Duim

Olketa lukaftarem waka blo Olketa Jehovah’s Witness lo Hong Kong and Macao. Olketa mekem olketa audio and video recording lo Chinese Cantonese languis.

Daonlodim Tour Brochure