Skip to content

2024

Memorial lo Dae blo Jesus

Wanem Gud Samting Nao Iu Savve Kasem From Dae blo Jesus?

Mifala invaetem iu for kam attendim tufala meeting hia wea free nomoa:

  • Spesol Bible tok “Bikos lo Resurrection, Dae No Garem Paoa”

  • Memorial lo dae blo Jesus

Memorial lo Dae blo Jesus

Sunday, March 24, 2024

Wan taem evri year, Olketa Jehovah’s Witness rememberim dae blo Jesus for obeyim komand blo hem wea sei: “Gohed for duim diswan for showimaot iufala rememberim mi.”—Luke 22:19.

Faendem Memorial

SPESOL BIBLE TOK

“Bikos lo Resurrection,—Dae No Garem Paoa”

Disfala tok bae kamap lo wanfala weekend bifor Memorial. Speaker bae storyim gud samting wea iu and olketa wea iu lovem savve kasem from resurrection blo Jesus.

Olketa kwestin wea Staka Pipol Askem

Hao long nao datfala program?

Hem bae gohed for samting olsem wan hour.

Wea nao disfala meeting bae kamap?

Story witim eni Jehovah’s Witness for savve lo moa information.

Hao, iu need for peim fee bifor iu attend?

Nomoa.

Hao, bae olketa askem kolekson?

Nomoa. Olketa Jehovah’s Witness no savve askem kolekson lo meeting blo olketa.

Wat kaen kaleko nao for werem?

No eni rul stap for wat kaen kaleko for man mas werem. Bat Olketa Jehovah’s Witness traem best for followim advaes from Bible for werem kaleko wea fitim and showimaot respect. (1 Timothy 2:9) Iu no need for werem kaleko wea expensive or mas official.

Wat nao bae happen lo taem blo Memorial?

Datfala meeting bae start and finis witim wanfala song, and tu wanfala minister blo Olketa Jehovah’s Witness bae talem wanfala prea. Main samting wea bae kamap lo datfala Memorial hem wanfala tok wea storyim why dae blo Jesus hem important and hao iumi savve kasem gud samting from wat God and Christ duim for iumi.

Wat taem moa Memorial bae kamap?

2024: Sunday, March 24

2025: Saturday, April 12

2026: Thursday, April 2

For savve moa, watchim tufala video hia.

Rememberim Dae blo Jesus

Lukim olketa gud samting wea iumi bae kasem lo future bikos lo dae blo Jesus.

Why Nao Jesus Hem Dae?

Maet iu savve hem dae for olketa sin blo iumi. Bat hao, staka million pipol savve kasem gud samting from sakrifaes blo wanfala man?

Daonlodim wanfala printed copy blo disfala invitation.