Skip to content

Skip to secondary menu

Olketa Jehovah’s Witness

Solomon Islands Pidgin

Waswe, Olketa Jehovah’s Witness Wanfala Cult?

Waswe, Olketa Jehovah’s Witness Wanfala Cult?

Nomoa, Olketa Jehovah’s Witness no wanfala cult. Mifala olketa Christian wea traem best for followim example bilong Jesus Christ and for live followim olketa teaching bilong hem.

Wanem nao wanfala cult?

No evriwan minim disfala word “cult” long sem wei. Nomata olsem, tingim tufala difren tingting wea pipol garem abaotem datfala word. Tingim tu why nao datfala word “cult” hem no fitim mifala.

  • Samfala pipol tingse cult hem minim wanfala niu religion or religion wea barava difren and no stret. Olketa Jehovah’s Witness no startim wanfala niu religion. Wei wea mifala worship hem followim example bilong olketa first Christian bifor. Information abaotem olketa Christian hia and teaching bilong olketa hem stap insaed Bible. (2 Timothy 3:16, 17) Long tingting bilong mifala, Bible nao talem wanem hem stret saed long worship.

  • Samfala pipol tingse cult hem minim wanfala nogud religion wea spoelem pipol, wea wanfala man nao leadim. Olketa Jehovah’s Witness no ting long eni man long earth olsem leader bilong olketa. Mifala followim wanem Jesus talem olketa disaepol bilong hem taem hem sei: “Wanfala Leader nomoa iufala garem, and hem nao Christ.”Matthew 23:10.

Olketa Jehovah’s Witness barava no olsem wanfala cult. Wei wea mifala worship helpem mifala and hem helpem tu pipol long community. Olsem example, ministry bilong mifala helpem staka pipol finis for lusim wei for depend long olketa nogud samting olsem drug and alcohol. Mifala garem olketa class wea helpem staka thousand pipol raonem world lane for read and raet. And tu, mifala duim relief waka long taem bilong disaster. Mifala traem best for duim gud samting long olketa narawan, olsem Jesus talem olketa follower bilong hem for duim.Matthew 5:13-16.