Skip to content

Skip to secondary menu

Olketa Jehovah’s Witness

Solomon Islands Pidgin

Waswe, Olketa Jehovah’s Witness Tambuim Samfala Movie, Buk, or Song?

Waswe, Olketa Jehovah’s Witness Tambuim Samfala Movie, Buk, or Song?

Nomoa. Organization bilong mifala no chekim olketa movie, buk, or song for disaedem wanem samting nao olketa member bilong mifala mas stap klia long hem. Why nao olsem?

Bible encouragem man wanwan for “iusim evritaem tingting bilong [hem]” mekem hem fit for luksavve long wanem hem stret and wanem hem no stret.—Hebrew 5:14.

Bible storyim olketa samting wea Christian savve ting raonem taem hem disaedem sapos samting bae fitim or nomoa. Long evri samting mifala duim, goal bilong mifala hem for “gohed for mek sure [mifala] savve long samting wea Lord hapi long hem.”Ephesus 5:10.

Bible hem sei olketa famili hed nao garem paoa long famili, so olketa savve disaedem wanem movie, buk, or song hem no fitim for famili. (1 Corinth 11:3; Ephesus 6:1-4) Bat saed long kongregeson, Bible no givim paoa long eniwan for tambuim wanfala movie, song, or buk.Galatia 6:5.

Olsem example, Bible hem againstim eni samting wea mekhae long wei for duim devildevil samting, wei for durong, or wei for raf.Deuteronomy 18:10-13; Ephesus 5:3; Colossae 3:8.