Skip to content

Skip to secondary menu

Olketa Jehovah’s Witness

Solomon Islands Pidgin

Waswe, Olketa Jehovah’s Witness Olketa Protestant?

Waswe, Olketa Jehovah’s Witness Olketa Protestant?

Nomoa. Mifala olketa Christian, bat mifala no olketa Protestant. Hao nao olsem?

Olketa sei Protestantism hem “olketa church wea againstim biliv and teaching bilong Roman Catholic Church.” Hem tru, Olketa Jehovah’s Witness no agree witim olketa teaching bilong Catholic Church, bat mifala no ting long mifala olsem Protestant for tufala reason:

  1. Plande teaching bilong olketa Protestant hem difren from wanem Bible hem teachim. Olsem example, Bible hem sei “wanfala God nomoa hem stap,” no wanfala Trinity. (1 Timothy 2:5; John 14:28) Hem sei tu, panis wea God bae givim long nogud pipol, hem for olketa dae and no savve laef bak. Hem bae no mekem olketa safa for olowe long hellfire.Psalm 37:9; 2 Thessalonica 1:9.

  2. Mifala no againstim or trae for changem Catholic Church or eni nara religion. Mifala preachim nomoa gud nius abaotem Kingdom bilong God, and trae for helpem pipol biliv strong long datfala gud nius. (Matthew 24:14; 28:19, 20) Mifala laekem nomoa for teachim pipol tru samting abaotem God and abaotem Bible.Colossae 1:9, 10; 2 Timothy 2:24, 25.