Skip to content

Skip to secondary menu

Olketa Jehovah’s Witness

Solomon Islands Pidgin

Wanem Nao Mi Mas Duim for Kamap Wanfala Jehovah’s Witness?

Wanem Nao Mi Mas Duim for Kamap Wanfala Jehovah’s Witness?

Long Matthew 28:19, 20, Jesus storyim olketa step wea man mas followim for kamap wanfala Jehovah’s Witness. Datfala scripture storyim samting wea man mas duim for kamap wanfala disaepol bilong Christ, wea hem nao for story or witness long pipol abaotem Jehovah.

Step 1: Lanem olketa tru teaching insaed long BIble. Jesus sei olketa follower bilong hem mas helpem pipol for “kamap disaepol” and for “teachim olketa.” (Matthew 28:19, 20) Mining bilong datfala word “disaepol” hem “man wea lane.” Olketa teaching bilong Jesus Christ, and olketa nara information wea stap insaed long Bible tu, savve helpem iu for hapi and garem gudfala laef. (2 Timothy 3:​16, 17) Mifala bae hapi for duim free Bible study witim iu for helpem iu lanem olketa tru teaching insaed long Bible.​—Matthew 10:​7, 8; 1 Thessalonica 2:​13.

Step 2: Followim olketa samting wea iu lanem. Jesus sei olketa wea lane mas “followim evri samting” wea hem laekem olketa for duim. (Matthew 28:20) Diswan minim iu mas no studyim Bible nating nomoa. Maet iu need for barava changem tingting and wei bilong for followim wanem iu lanem. (Acts 10:42; Ephesus 4:​22-​29; Hebrew 10:24, 25) Olketa wea obeyim Jesus disaed for givim laef bilong olketa long Jehovah God mekem olketa savve gohed for followim Jesus.​—Matthew 16:24.

Step 3: Baptaes. (Matthew 28:19) Bible comparem baptaes witim wei for berem man. (Comparem Rome 6:​2-4.) Baptaes piksarem wei for lusim laef wea iumi garem bifor and startim wanfala niu laef. So taem iu baptaes, datwan hem for showimaot long nara pipol iu duim finis step 1 and step 2 wea Jesus storyim and iu askem God for givim iu gudfala konsens.​—Hebrew 9:​14; 1 Peter 3:​21.

Hao nao bae mi savve sapos mi fit for baptaes?

Talem olketa elder long kongregeson iu laek for baptaes. Olketa bae story witim iu for mek sure iu savve long olketa tru teaching insaed Bible, followim wanem iu lanem, and disaed finis for givim laef bilong iu long God.​—Acts 20:28; 1 Peter 5:​1-3.

Waswe, olketa pikinini wea dadi and mami Witness mas followim olketa step hia?

Yes. Mifala “stretem and trainim olketa [pikinini] followim samting wea Jehovah talem,” wea hem nao Bible talem parents for duim. (Ephesus 6:4) Bat gogo, taem olketa big lelebet, olketa mas disaed seleva for lanem, bilivim, and followim olketa teaching insaed long Bible bifor olketa savve fit for baptaes. (Rome 12:2) Evri man wanwan mas disaed seleva for worshipim God or nomoa.​—Rome 14:12; Galatia 6:5.