Skip to content

Skip to secondary menu

Olketa Jehovah’s Witness

Solomon Islands Pidgin

From wea Nao Olketa Jehovah’s Witness Kasem Selen wea Olketa Needim?

From wea Nao Olketa Jehovah’s Witness Kasem Selen wea Olketa Needim?

Mifala kasem selen wea mifala needim from olketa donation wea pipol givim, main wan nao olketa Jehovah’s Witness. Mifala no duim eni kolekson long olketa meeting bilong mifala, and no eniwan givim tithe tu. (Matthew 10:7, 8) Long ples wea mifala worship mifala putim olketa contribution box mekem eniwan wea laek for givim donation savve duim datwan. Man seleva nomoa savve hem givim donation, no eniwan moa.

Wanfala reason why mifala garem inaf selen hem bikos no eniwan wea lead long waka bilong mifala kasem pei for datwan. No eniwan kasem pei for duim preaching waka tu, and olketa ples wea mifala worship insaed olketa simpol and no expensive for buildim.

Eni donation wea man givim long branch office olketa bae iusim for pipol wea needim help bihaen natural disaster, for sapotim olketa missionary and traveling minister, for wakem olketa ples for worship long poor kantri, and for printim and sendem olketa Bible and nara Christian buk and magasin.

Man wanwan savve disaed sapos hem laek for givim donation for helpem kongregeson peim samting hem needim, or for waka wea Olketa Jehovah’s Witness duim evriwea long world, or tufala evriwan. Olketa wea lukaftarem selen bilong kongregeson givim report long kongregeson evritaem mekem evriwan savve long hao nao olketa iusim datfala selen.