Skip to content

Skip to secondary menu

Olketa Jehovah’s Witness

Solomon Islands Pidgin

Why Nao Olketa Jehovah’s Witness Changem Samfala Biliv Bilong Olketa?

Why Nao Olketa Jehovah’s Witness Changem Samfala Biliv Bilong Olketa?

Mifala evritaem iusim Bible for pruvim samting mifala bilivim. Dastawe, taem samting Bible teachim hem kamap moa klia long mifala, mifala changem biliv bilong mifala for fitim datwan. *

Wei for change olsem hem fitim wanem Bible talem long Proverbs 4:​18, wea sei: “Road bilong olketa wea raeteous hem olsem laet from sun wea kamap moa braet go kasem big daylaet.” Taem sun hem start for kamap long morning, laet from sun hem isisi mekem evri samting showaot klia. Wei wea God mekem pipol bilong hem for minim samting hem long isisi wei tu. Hem duim diswan long taem wea hem markem. (1 Peter 1:​10-​12) Olsem Bible talem, hem speedim diswan long disfala taem wea world hem gogo for finis.​—Daniel 12:4.

Olketa change hia long hao mifala minim samting shud no mekem iumi sapraes or wari. Olketa wea worshipim God long bifor tu garem samfala tingting and biliv wea no stret and wea mas change.

  • Moses sei hem bae kamap man for sevem Israel 40 year bifor long taem wea God markem for datwan hem happen.​—Acts 7:​23-​25, 30, 35.

  • Olketa aposol no minim profesi wea storyim Messiah bae dae and laef bak moa.​—Isaiah 53:​8-​12; Matthew 16:21-​23.

  • Samfala Christian long Bible garem rong tingting abaotem wanem taem nao “day bilong Jehovah” bae kam.​—2 Thessalonica 2:​1, 2.

Gogo, God helpem olketa for stretem tingting bilong olketa and mifala prea for hem duim sem samting long mifala tu.​—James 1:5.

^ par. 2 Mifala no trae for haedem olketa change hia long hao mifala minim Bible. Mifala printim and pablisim olketa. Olsem example, lukim Online Library\Research Index\Olketa Jehovah’s Witness\Tingting and Biliv Bilong Iumi\Niu Wei for Minim Samting.