Skip to content

Skip to secondary menu

Olketa Jehovah’s Witness

Solomon Islands Pidgin

Haomas Jehovah’s Witness Nao Long World?

Haomas Jehovah’s Witness Nao Long World?

2016 Service Year * Report

Namba bilong olketa Jehovah’s Witness long world

8,340,982

Olketa kongregeson

119,485

Olketa kantri wea Olketa Jehovah’s Witness preach long hem

240

Hao nao iufala kaontem olketa member?

Mifala kaontem nomoa olketa wea preachim gud nius abaotem Kingdom bilong God evri month. (Matthew 24:14) Insaed diswan hem olketa Witness wea baptaes, and tu, olketa wea no baptaes yet bat wea fit for share long preaching waka.

Waswe, man mas givim donation for kamap wanfala member?

Nomoa. For kamap wanfala Witness or garem eni privilege long organization bilong mifala no depend long donation wea man givim. (Acts 8:​18-​20) Klosap evri donation wea man wanwan givim, no eniwan savve hem duim datwan. Each Jehovah’s Witness donatem taem, strong, and samting hem garem for sapotim waka wea mifala duim evriwea long world and olketa duim fitim wanem olketa garem and wanem olketa laek for givim.​—2 Corinth 9:7.

Hao nao iu savve long namba bilong olketa wea duim preaching waka?

Evri month, olketa Witness reportim preaching waka wea olketa duim long kongregeson bilong olketa. No eniwan forcem olketa for reportim datwan.

Olketa addim evri report and sendem total long lokol branch office. Then evri branch office sendem total bilong olketa long hedquarter long America

Long end bilong evri service year, * olketa addim go evri report hia for savve long haomas Witness long each kantri and long full world. Olketa pablisim report bilong each kantri witim olketa experience from preaching waka bilong olketa insaed Yearbook bilong Olketa Jehovah’s Witness. Olketa report hia encouragem mifala, wea datwan hem olsem olketa report wea encouragem olketa Christian bifor kam tu.​—Acts 2:​41; 4:4; 15:3.

Waswe, iufala kaontem tu olketa long organization bilong iufala wea no preach?

Mifala no kaontem olketa bat mifala welkamim olketa long olketa kongregeson bilong mifala. Klosap evriwan hia go long Memorial bilong dae bilong Jesus wea kamap evri year. So mifala garem idea long namba bilong olketa taem mifala comparem namba bilong evriwan wea kam witim namba bilong olketa Witness. Long 2016, namba bilong olketa wea kam long Memorial hem 20,085,142.

Staka wea no kam long olketa meeting bilong mifala, kasem gud samting from free Bible study program bilong mifala. Long 2016, mifala conductim 10,115,264 Bible study evri month, and samfala Bible study hia, winim wanfala man nao insaed.

Why nao namba bilong olketa Witness wea olketa gavman census talem hem winim nao namba wea iufala talem?

Namba long olketa census bilong gavman hem hae bikos olketa askem pipol wanem nao religion bilong olketa. Olsem example, U.S. Census Bureau sei census bilong olketa hem trae for faendaot sapos olketa wea insaed datfala census ting long olketa seleva olsem member bilong wanfala religion. Bat mifala kaontem nomoa olketa wea preach and wea reportim waka wea olketa duim, no olketa wea just ting long olketa seleva nomoa olsem wanfala Witness.

^ par. 2 Service year hem start long September 1 go kasem August 31 bilong next kalenda year. Olsem example, 2015 service year hem start long September 1, 2014, go kasem August 31, 2015.

^ par. 16 Service year hem start long September 1 go kasem August 31 bilong next kalenda year. Olsem example, 2015 service year hem start long September 1, 2014, go kasem August 31, 2015.