Skip to content

Skip to secondary menu

Olketa Jehovah’s Witness

Solomon Islands Pidgin

Wanem Nao Governing Body Bilong Olketa Jehovah’s Witness?

Wanem Nao Governing Body Bilong Olketa Jehovah’s Witness?

Governing Body hem wanfala smol grup bilong olketa mature Christian wea givim direction long Olketa Jehovah’s Witness evriwea long world. Waka bilong olketa hem for:

Governing Body followim example bilong “olketa aposol and elder long Jerusalem” long first century, wea mekem olketa important disison for olketa Christian kongregeson. (Acts 15:2) Olsem olketa faithful aposol and elder bifor, olketa member bilong Governing Body no olketa leader long organization bilong mifala. Olketa letem Bible nao for directim olketa bikos olketa luksavve Jehovah God markem Jesus Christ nao for Leader bilong kongregeson.1 Corinth 11:3; Ephesus 5:23.

Hu Nao Olketa Member Bilong Governing Body?

Distaem olketa member bilong Governing Body hem Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, and David Splane. Olketa waka long world hedquarter bilong mifala long Warwick, New York, U.S.A.

Hao nao Governing Body organize?

Governing Body startim sixfala komiti for lukaftarem olketa difren waka wea mifala duim, and each member bilong Governing Body waka long wan or winim wanfala komiti hia.

  • Coordinators’ Komiti: Lukaftarem olketa legal samting and wei for provaedem relief taem natural disaster happen. Olketa disaedem best samting for duim taem Olketa Jehovah’s Witness kasem persecution for biliv bilong olketa, and taem olketa nara important samting kamap.

  • Personnel Komiti: Lukaftarem evri arrangement for olketa member bilong olketa Bethel famili.

  • Publishing Komiti: Lukaftarem waka for wakem and sendem go olketa Bible buk. Olketa lukaftarem tu waka for buildim olketa ples for worship, olketa transleison office, and olketa branch office.

  • Service Komiti: Lukaftarem waka bilong mifala for preachim “gud nius bilong Kingdom.”Matthew 24:14.

  • Teaching Komiti: Directim waka for redyim olketa spiritual information wea mifala kasem long olketa meeting, skul, and audio and video program.

  • Writing Komiti: Directim waka for redyim spiritual information wea mifala kasem long olketa buk and long website bilong mifala. Olketa directim tu waka for transleitim evri information hia.

Governing Body meet evri week tu for tingim evri need bilong organization bilong mifala. Long olketa meeting hia olketa member bilong Governing Body storyim samting wea Bible talem, and olketa followim wanem holy spirit bilong God leadim olketa for duim. Olketa traem best for evriwan agree long wanem olketa disaedem.Acts 15:25.

Hu nao olketa wea helpem Governing Body?

Olketa wea helpem Governing Body hem samfala Christian wea faithful. (1 Corinth 4:2) Olketa waka long olketa komiti bilong Governing Body and olketa savve gud long hao for duim waka wea komiti lukaftarem. Olketa no mekem eni disison, bat olketa givim gudfala advaes long komiti, olketa mekem samting komiti disaedem for kamap, and olketa chekim hao nao samting komiti disaedem hem gohed. Maet olketa kasem assignment from Governing Body tu for visitim Olketa Jehovah’s Witness long olketa nara kantri or for givim olketa tok long olketa big hipap olsem annual meeting or Gilead graduation.

LIST BILONG OLKETA HELPER

Komiti

Nem

Coordinators’

  • Ekrann, John

 

Personnel

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Publishing

  • Adams, Don

  • Butler, Robert

  • Corkern , Harold

  • Glockentin, Gajus

  • Gordon, Donald

  • Luccioni, Robert

  • Reinmueller , Alex

  • Sinclair, David

 

Service

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Weaver, Leon, Jr.

 

Teaching

  • Curzan, Ronald

  • Flodin, Kenneth

  • Malenfant , William

  • Noumair, Mark

  • Schafer, David

 

Writing

  • Ciranko, Robert

  • Cook, Kenneth, Jr.

  • Mantz, James

  • Marais , Izak

  • Smalley, Gene

  • van Selm, Hermanus