Skip to content

Skip to secondary menu

Olketa Jehovah’s Witness

Solomon Islands Pidgin

Distaem JW.ORG Hem Stap Long Winim 300 Languis!

Distaem JW.ORG Hem Stap Long Winim 300 Languis!

Sapos iu click long site languis box long disfala page, bae iu lukim wanfala list bilong winim 300 languis. Disfala jw.org website hem stap long olketa languis hia. Olketa narafala website no stap long staka languis olsem.

Haomas languis nao olketa narafala website stap long hem? Tingim samfala nara Web site wea staka pipol iusim. Long July 2013, United Nations website hem stap long sixfala languis. Europa, wea hem website bilong European Union, hem stap long 24 languis. Google hem stap long 71 languis, and Wikipedia stap long 287 languis.

Hem bigfala waka for transleitim jw.org website long winim 300 languis! Staka handred Jehovah’s Witness raonem world wea laek praisem Jehovah, olketa nao duim disfala waka. Each languis garem olketa team wea duim disfala waka, and olketa transleit from English go long languis bilong olketa.

From disfala JW.ORG website hem garem staka page wea olketa transleitim long winim 300 languis, disfala website garem winim 200,000 page!

Staka pipol interest for go long disfala JW.ORG website. Wanfala company wea nem bilong hem Alexa hem chekim haomas pipol nao iusim olketa difren website long Internet. Datfala company listim samting olsem 87,000 website wea story abaotem religion. Insaed long disfala list hem olketa website bilong olketa bigfala religion long world, and tu, olketa organization wea pablisim olketa lotu buk and olketa nara organization olsem. Long July 2013, Alexa listim jw.org website olsem mek-tu website abaotem religion wea staka pipol interest for go long hem, and first wan hem website bilong wanfala company wea salem olketa difren kaen Bible long internet.

Kasem October 2013, samting olsem 890,000 pipol go long jw.org website evriday. Mifala bae gohed for putim free information from Bible long jw.org website wea savve helpem pipol evriwea long world.