Ruwa le ajaat

Ruwa le barnamij al sania

Shuhuud Yahwa

Arabi Juba

Hal Taab De Bi Inta Seii?

Hal Taab De Bi Inta Seii?

Juaab taki bikun sunu . . .

  • ai?

  • la?

  • mumkiin?

 JUAAB TA KITAB AL MUKADAS

‘Allah bi masa moyo ena kullu bara, wa mutu bikun mafi, taab, kore, au waja gisim bikun mafi.’Roya 21:3, 4, Contemporary English Version.

FAIDA AL ITA BI LIGO KAAN ITA AMIIN FII KALAM DE

Ita bikun mutaakid gali Allah yau maa sabab ta mashakil tanna.Yakuub 1:13.

Kaan anina arufu gali Allah gi fekir taab tanna, de bi sujau anna.Zakariya 2:8.

Gi wodii le ita raja gali taab de kullu bi inta.—Mozmur 37:9-11.

 HAL ANINA BI AGDER AMIIN FII KALAM AL KITAB AL MUKADAS GI KELIMU?

Ai, ashan itiniin asbaab:

  • Allah maa deiru taab wa zulum. Kede fekir keff Yahwa Allah kan gi asuur fii zaman al kan gi taabu nas towo bataal bediri. Kitab al Mukadas gi kelimu gali uwo kan zalaan min ‘nas al gi taabu umon.’—Guda 2:18, Terjima Alam al Jediid.

    Allah zalaan min nas al gi katulu nas taniin. Maslan, Kitab al Mukadas gi kelimu gali katulu nas, de haja bataal le Allah.Amsaal 6:16, 17.

  • Allah gi fekir kalam tanna kullu wahid wahid. Maa zol bes yau arufu taab towo barau, lakin, Yahwa kaman arufu!2 Akbaar al Ayaam 6:29, 30.

    Be wasta Molokut towo, Yahwa geriib bi hillu mashakil ta nas kullu wahid wahid. (Matta 6:9, 10) Fii zaman ta hasade, uwo gi sejau nas al gi fetisu uwo.Amaal 17:27; 2 Korintos 1:3, 4.

 KEDE FEKIR FI SUAAL DE

Lee Allah sibu nas gi taab?

Kitab al Mukadas gi juaabu suaal de fii ROMA 5:12 wa 2 BUTRUS 3:9.