Ruwa le ajaat

Ruwa le barnamij al sania

Shuhuud Yahwa

Arabi Juba

Molokut Ta Allah De Sunu?

Molokut Ta Allah De Sunu?

Juaab taki bikun sunu . . .

  • hal de haja al fii geliba ta zol?

  • hal de mahal fii sama?

  • hal de hakuma fii sama?

 JUAAB TA KITAB AL MUKADAS

Allah ta sama bi assissu molokut al maa bi demiru.’Daniel 2:44, Terjima Alam al Jediid.

‘Weledu lenina weled; wa uwo bi hakimu dunia kullu.’Ishaya 9:6.

FAIDA AL ITA BI LIGO KAAN ITA AMIIN FII KALAM DE

  • Hakuma de bi jibu le ita faida.Ishaya 48:17, 18.

  • Nas bi ish be gisim kweis wa be farah fii dunia al jediid.Roya 21:3, 4.

 HAL ANINA BI AGDER AMIIN FII KALAM AL KITAB AL MUKADAS GI KELIMU?

Ai, ashan itiniin asbaab:

  • Yesua kan worii hajaat al Molokut ta Allah bi amulu. Yesua alimu talamiz towo keli umon seli ashan Molokut ta Allah keli jaa, wa keli iraada towo hasil fi wata ini. (Matta 6:9, 10) Yesua kan worii hajaat al Molokut ta Allah bi amulu.

    Fi zaman Yesua kan fi wata ini, uwo akilu, aliju wa goumu nas taniin min mutu! (Matta 15:29-38; Yuhana 11:38-44) Ashan Yesua melik ta Molokut ta Allah, uwo worii hajaat al kweis al Molokut bi jaa amulu le nas.Roya 11:15.

  • Hajaat al gi hasil hasade fi dunia gi worii gali, Molokut ta Allah biga geriib. Yesua kan kelimu gali gubal lisa Molokut maa jibu salam fi wata ini, dunia de bi mala be shakila, zuruf ta akil wa zalzal.Matta 24:3, 7.

    Anina gi ainu hajaat de kullu gi hasil alela. Ashan kida anina mutaakidiin gali, Molokut ta Allah biga geriib bijaa shilu mashakil de kullu bara.

 KEDE FEKIR FI SUAAL DE

Haya bikun keff tehet Molokut ta Allah?

Kitab al Mukadas gi juaabu suaal de fii MOZMUR 37:29 wa ISHAYA 65:21-23.