Ruwa le ajaat

Ruwa le barnamij al sania

Shuhuud Yahwa

Arabi Juba

Hal nas al mutu bi ish tani?

Hal nas al mutu bi ish tani?

Juaab taki bikun sunu . . .

  • ai?

  • la?

  • mumkiin?

 JUAAB TA KITAB AL MUKADAS

Giaama bijaa kun fi.Amaal 24:15, Terjima Alam al Jediid.

FAIDA AL ITA BI LIGO KAAN ITA AMIIN FII KALAM DE

De bi sejau ita kaan zol taki mutu.2 Korintos 1:3, 4.

Huriia min kafu ta mutu.Ibraniin 2:15.

Gi wodii le ita raja al hagiga ashan nas taki al mutu.Yuhana 5:28, 29.

 HAL ANINA BI AGDER AMIIN FII KALAM AL KITAB AL MUKADAS GI KELIMU?

Ai, ashan talata asbaab:

  • Yahwa yau kalagu haya. Kitab al Mukadas gi kelimu gali, Yahwa yau wodii haya (Mozmur 36:9; Amaal 17:24, 25) Zol al wodii haya le hajaat kullu bi agder rija haya le zol al mutu.

  • Allah kan goumu nas taniin min mutu fii zaman al fat. Kitab al Mukadas gi wonusu kalam ta tamania nas al kan goumu min mutu—shabaab, ajusiin, rujaal, wa nuswaan—al kan rijau wara fi haya fi wata. Taniin kan mutu ma zaman besit, lakin zol wahid kan geni fii turba arba yom!Yuhana 11:39-44.

  • Allah mustaag ashan goumu nas min mutu tani. Haja al Mutu de, Yahwa maa deiru; uwo gi ainu mutu ze adu. (1 Korintos 15:26) Uwo mustaag ashan shilu mutu bara be wasta giyaama. Uwo mustaag ashan goumu nas kullu al fii zaakira towo min mutu ashan keli umon ish tani fi wata ini.Ayuub 14:14, 15.

 KEDE FEKIR FI SUAAL DE

Lee anina gi tala ajusiin wa gi mutu?

Kitab al Mukadas gi juaabu suaal de fii TOKWIIN 3:17-19 wa ROMA 5:12.