Ruwa le ajaat

Ruwa le barnamij al sania

Shuhuud Yahwa

Arabi Juba

De Munu Seii yau gi Hakimu Dunia de?

De Munu Seii yau gi Hakimu Dunia de?

Hal ita gi fekir gali de . . .

  • Allah?

  • insaan?

  • zol tani barau?

 JUAAB TA KITAB AL MUKADAS

‘Zol al Bataal yau gi hakimu Dunia de kullu.’1 Yuhana 5:19.

‘Jena ta Allah kan jaa ashan demiru sokol ta Iblis.’1 Yuhana 3:8, New Century Version.

FAIDA AL ITA BI LIGO KAAN ITA AMIIN FII KALAM DE

Gi fasilu sabab al mashakil ketiir alela fii dunia.Roya 12:12.

Gi wodii le ita sabab ashan amiin gali dunia de bi geiru le kweis.1 Yuhana 2:17.

 HAL ANINA BI AGDER AMIIN FII KALAM AL KITAB AL MUKADAS GI KELIMU?

Ai, ashan talata asbaab:

  • Bi demiru hukum ta Shitan. Yahwa musteiid ashan demiru hukum ta Shitan le nihaaya. Uwo kelimu gali uwo bi demiru Iblis wa uwo bi shilu kullu hajaat bataal al uwo amulu le nas.Ibraniin 2:14, Terjima Alam al Jediid.

  • Allah kalaas azilu Yesua al Mesiih ashan hakimu dunia de. Yesua maa ze zol bataal wa garamaan al gi hakimu dunia hasade, Shitan. Allah kan kelimu an hukum ta Yesua gali, ‘Uwo bi kalisu nas al massakiin wa min unf.’—Mozmur 72:13, 14.

  • Allah maa giwonusu kidib. Kitab al Mukadas gi kelimu gali: ‘Maa mumkiin Allah bi kidib.’ (Ibraniin 6:18) Kaan Yahwa kelimu kalam, laazim kalam de bi hasil! (Ishaya 55:10, 11) Zol al gi hakimu dunia de, bi shilu bara.Yuhana 12:31.

 KEDE FEKIR FI SUAAL DE

Dunia bikun keff baad kaan shilu zol bataal al gi hakimu hasade?

Kitab al Mukadas gi juaabu suaal de fi MOZMUR 37:10, 11 wa ROYA 21:3, 4.