Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Itshi Biblia Yajiya Gutulongesa?

Giamatshidia Giatadila Nzambi

Giamatshidia Giatadila Nzambi

TANGUA udi mutanga zulunalu, udi mutala televizio, nga udi mutegelela ndaga mu radio, wana guvua nu gumona ndaga jiavula jia umbundudi, jia ita nu jia terorizme. Yajiya gukhala egi misongo yana gugusagesa nga ndo muthu mumoshi wana gutshigina wafile gale.

Dihule thomo egi:

  • Nzambi wana gutshigina egi ame nu fami yami, tumone malamba ene ba?

  • Fundo ditshi ngajiya guheta ukuateshi ha gulua nu malamba ngudi mumona?

  • Mbatuheta guhuima ha mavu ba?

Biblia yana guhana mvutu (kueteya) jiabonga gu mihu yene.

 BIBLIA YANA GUTULONGESA EGI NZAMBI MBAWUKALAGALA NDAGA JIAGUSHIMANA HA MAVU.

  • Athu mbaashigo luko gumona lamba, mbashigo luko gukola, nga gufua.Yatuwuwe 21:4

  • “Gikata mbagisomboga gifua ngulungu.”Yeshaya 35:6

  • “Meso a ifofo mbatuwuwa.”Yeshaya 35:5

  •  Athu afile gale mbajinga luko.Yone 5:28, 29

  • Gushigo nu muthu mbawukata luko.Yeshaya 33:24

  • Muthu wagasue mbawukhala nu ima yavula ya gudia.Ngimbo 72:16

 SUANGULUGA NU NDAGA YANA GULONGESA BIBLIA

Tangua diko wajiya gutangiza egi ndaga jiwatanga mu mayiji athomo a mukand’owu jishigo jia giamatshidia. Uvi Nzambi wahanele laji egi gualeha ndo mbawubalumuna ndaga ha mavu. Biblia yakotelesa luholo Nzambi mbawujibalumana.

Biblia idi gutukuatesa ha gujiya luko ndaga jiavula. Yana gutuwambela ndaga tudi nayo ya gujiya ha gusuanguluga diago mu lujingu sendese mangino. Tangiza thomo ndaga jiana guguhana lamba mangino. Yajiya gukhala makuta, milonga mu fami, sante yabola, nga gufua gua muthu mumoshi wana guzumba. Biblia yajiya gugukuatesa ha gulua nu malamba ene, yajiya nji guguhana mvutu gu mihu eyi:

 Luholo udi mutanga mukanda ou, yamonegesa egi udi nu funu ya gujiya ndaga Biblia yana gulongesa. Mukand’ou mbawugukuatesa. Paragrafe jiagasue jidi nu mihu jiajiya gugukuatesa ha gujiya Biblia muabonga. Athu avula ana gutshigina guzuelela Biblia nu Matemue a Yehowa. Tudi nu felela egi aye nji mbawusuanguga. Nzambi agukuatese, luholo udi mukalagala ngolo ha gujiya ndaga Biblia yajiya gugulongesa!