Ndeye fundo didi milonga

Ndeye kudieji dia mito ya milonga yazonda

Matemue a Yehowa

Kipende

Ufumu wa Nzambi udi itshi?

Ufumu wa Nzambi udi itshi?

Gudi aye, udi . . .

  • gima gimoshi gidi mu katshi dia mutshima waye?

  • zuelelo diko?

  • guvernema imoshi idi mudilu?

 BIBLIA IMUZUELA EGI

“Nzambi ya mu dilu mbauhaga ufumu uko mbaukhadigo nu gisugishilo ndo sha.”Danyele 2:44Mukanda wa Nzambi mu Giphende.

“Mon’a yala watuhuwa. Guvernema mba ukhala a phanga yenji.”Yeshaya 9:6, Traduction du monde nouveau, note.

NDAGA YA WAHA MUKUNDA NU EYE

  • Gudi nu guvernema imoshi watagana wajiya gugubatela gubonga sendesa mangino awa.Yeshaya 48:17, 18.

  • Mu mavu a gihe gihe adi muza, mba ujinga nu muila wa bonga mu gusuanguluga.Yatuwuwe 21:3, 4.

 TUAJIYA DIAGO GUTSHIGINA IDI MUZUELA BIBLIA BA?

Ayi, mukunda nu ikumaeyi mbadi:

  • Yesu wamonesele ndaga Ufumu wa Nzambi mba ukalagala. Yesu walongele alandudi enji ha gukombelela mukunda nu Ufumu wa Nzambi uze nu gutshigina guenji gutshitshiwe ha mavu. (Matayo 6:9, 10) Yesu wamonesele luholo gukombelela guene mba gutagenesewa.

    Tangua Yesu akhalele ha mavu, wadishile athu akhalele nu nzala, wasagele enya misongo, enji wa tugumuine athu a gufua! (Matayo 15:29-38; Yone 11:38-44) Luholo akhalele muthu udi naye guhinyina Ufumu wa Nzambi, Yesu wamonesele ha zonda yinyi Ufumu wa Nzambi mba ukalegela athu.Yatuwuwe 11:15.

  • Ndaga jidi mubalega ha mavu jiadijiga egi gualeha ndo Ufumu wa Nzambi uze. Yesu wazuelele egi gula guasala ha zonda Ufumu wa Nzambi ubate guhuima ha mavu, athu mba akhala nu malamba: ita, nzala nu gudigita gua mavu.Matayo 24:3, 7.

    Jidi ndaga tudi mumona mangino. Ngenyi, tuajiya gudifelela egi gushigo gualeha, Ufumu wa Nzambi mba wumanesa malamba ene agasue.

 TANGIZA GALE

Luholo lutshi monyo mba lukhala mu Ufumu wa Nzambi?

Biblia idi muhana gueteya gu muhu wene mu LUNGIMBO 37:29 nu YESHAYA 65:21-23.