Ndeye fundo didi milonga

Ndeye kudieji dia mito ya milonga yazonda

Matemue a Yehowa

Kipende

Luholo tshi udi mumona Biblia?

Luholo tshi udi mumona Biblia?

Udi mutangiza egi . . .

  • mukanda wa imbadi?

  • mukanda wa ishima nu ndaga jia mambo?

  • Mbimbi ya Nzambi?

 BIBLIA IMUZUELA EGI

“Mbimbi jiagasue jia mu Mukanda wa Nzambi jiafundjishiwe gudi Nzambi.”—2 Timote 3:16Mukanda wa Nzambi.

NDAGA YA WAHA MUKUNDA NU EYE

Mba uheta mvutu jia bonga gu mihu ya kola ya lujingu.—Ishima 2:1-5.

Mba uheta malongo a bonga diago mu lujingu lua masugu agasue.—Ngimbo 119:105.

Mba uheta gudifuelela gua giamatshidia mukunda nu masugu adi muza gutuama.—Lomo 15:4.

 TUAJIYA DIAGO GUTSHIGINA IDI MUZUELA BIBLIA BA?

Ayi, mukunda nu ikuma yiyi itatu:

  • Gudivua gua gushimana. Biblia ya fundjiwe mu masugu a ivo 1 600 gudi athu’a muho nu muho hehi nu 40. Avula mukhatshi diawo khenji adimonene ndo. Ata ngenyi, mukanda wene wagasue udi nu gudivua, nu gishina gia mulonga umoshi!

  • Lumene lua giamatshidia. Afundyi a ndaga jia mualeha anabalega gufumba gubela gua athu awo. Uvi afundyi a Biblia azuelele diago giamatshidia mukunda nu ifu yawo nga ya athu a ifutshi yawo.—2 Gudilanduluila 36:15, 16; Ngimbo 51:1-4.

  • Mbimbi jiazuelele ngambi jia Nzambi jidi jia giamatshidia. Biblia ya diangele gutendelela ivo 200 gutuama egi dimbo dia Babilone mba dimubua. (Yeshaya 13:17-22) Yamueneselego khuta luholo lua dimbo diene mba dibwa, uvi nji nu jina dia muthu yonyi mba udi tambula!—Yeshaya 45:1-3.

    Mbimbi javula jiazuelele ngambi jia Nzambi jidi mu Biblia jia taganene diago gubemba ata ndaga jia zonda ndo. Ishigo mayilago egi Mbimbi ya Nzambi yanakhala diago ngenyi ba?—2 Phetelo 1:21.

 TANGIZA GALE

Luholo tshi Mbimbi ya Nzambi yajiya gubongesa lujingu luaye?

Biblia idi muhana mvutu mu YESHAYA 48:17, 18 nu 2 TIMOTE 3:16, 17.