Ndeye fundo didi milonga

Ndeye kudieji dia mito ya milonga yazonda

Matemue a Yehowa

Kipende

Gudi nu lusugu malamba mba ahwa ba?

Gudi nu lusugu malamba mba ahwa ba?

Aye wazuela itshi . . .

  • ayi?

  • ndo?

  • yajiya gukhala ngenyi?

 BIBLIA IMUZUELA EGI

“Nzambi . . . mbaukungula masoji agasue gu meso awo, gufua mbagukhadigo luko. Madilo gashigo mukhala luko nga mitatagani nga gubala.”Yatuwuwe 21:3, 4Mukanda wa Nzambi.

NDAGA YA WAHA MUKUNDA NU EYE

Ya tutshiginyisa egi Nzambi gashigo gishina gya malamba etu ndo.Yakobo 1:13.

Guwalagana gudi gwene hagujiya egi Yehowa wana gudisagesa ha tudi mumona malamba.Zakaliya 2:8.

Yatuhua gudifelela egi malamba mbadi muhwa.Lungimbo 37:9-11.

 TUAJIYA DIAGO GUTSHIGINA IDI MUZUELA BIBLIA BA?

Ayi, mukunda nu ikuma yiyi mbadi:

  • Nzambi ganatshigina ndo malamba nga lutondo. Tala luholo Yehowa wakhalele muvua kumbi athu enji aginono akhalele musagesewa nu khuta. Biblia idi muzuela egi Nzambi wakhalele nawo khenda “mukunda nu gusagesa guakhalele mwasagesa asageshi awo.”Manzuji 2:18Mukanda wa Nzambi.

    Nzambi gana lola gutshigina athu adi mutshitshila ako gubola. Tala, Biblia yazuela egi Nzambi gashigo mulola gutshigina “koko gudi mushiya muthu udi gashigo nu ndaga.”Ishima 6:16, 17.

  • Nzambi wanavila muthu nu muthu yagaswe khenda. Ishigo khuta ‘muthu nu muthu muene hakhenji udi mujiya lamba nu pashi jenji,’ Yehowa nji wana gujijiya!2 Gudilanduluila 6:29, 30.

    Mu njila ya Ufumu wenji, Yehowa mbausugisa lamba dia muthu yagaswe. (Matayo 6:9, 10) Henyaha, udi muwalagana athu adi gumukamba nu mutshima umoshi.Makalegelo 17:27; 2 Kolinto 1:3, 4.

 TANGIZA GALE

Mukunda natshi Nzambi wabembele malamba akhale?

Biblia idi muhana mvutu mu LOMO 5:12 nu 2 PHETELO 3:9.