Ndeye fundo didi milonga

Ndeye kudieji dia mito ya milonga yazonda

Matemue a Yehowa

Kipende

Gima gitshi giajiya guhana kusuanguluga mu fami?

Gima gitshi giajiya guhana kusuanguluga mu fami?

Udi mutangiza egi . . .

  • guzumba?

  • falanga?

  • nga gima giko?

 BIBLIA IMUZUELA EGI

“Adi muvua mbimbi ya Nzambi nu adi muyitumaga, ene adi nu gusuanguluga!”Luka 11:28, Mukanda wa Nzambi.

NDAGA YA WAHA MUKUNDA NU EYE

Wudi mukhala nu guzumba gua giamatshidiaEfeso 5:28, 29.

Wudi mukhala nu gunemesa gua giamatshidiaEfeso 5:33.

Wudi mukhala nu guhwima gua tagana.Mako 10:6-9.

 TUAJIYA DIAGO GUTSHIGINA IDI MUZUELA BIBLIA BA?

Ayi, mukunda nu ikuma iyi mbadi:

  • Nzambi udi mufugi wa fami. Biblia imuzuela egi ‘fami jagaswe . . . jimulugiwa jina’ gudi Yehowa Nzambi. (Efeso 3:14, 15) Mu luholo luko, gula fami idi gwene, mukunda Nzambi wayifugile. Mukunda natshi tuajiilego kubwita ndaga eyi mutshima?

    Tangiza ndag’eyi: Gula umudia yima ya gudia ya gusuanguluisa, uvi umutshigina gujiya milungo yambiwa mwene, wuhula nanyi? Yidi yatagana guhula muthu wayitelega.

    Luholo lumoshi, hagujiya milungo ya lujingu lwa fami ya guswanguluga, idi ya tagana guhula Yehowa, mufugi wa fami.Gisendeselo 2:18-24.

  • Nzambi wana gugumbila matangi. Idi ndaga ya ndunge fami jikambe malongo adi Yehowa mutuhua mukatshi dia Mbimbi yenji. Mukunda natshi? Mukunda “Nzambi wana gumimbila diago matangi.” (1 Phetelo 5:6, 7) Yehowa wana gukamba gubonga gwaye—nunji malongo enji adi kaka awaha!Ishima 3:5, 6; Yeshaya 48:17, 18.

 TANGIZA GALE

Luholo tshi wajiya gukhala yala diatagana, mukhetu watagana nga nji mvuaji yatagana?

Biblia idi muhana mvutu mu EFESO 5:1, 2 nu KOLOSAI 3:18-21.