Ndeye fundo didi milonga

Matemue a Yehowa

Tomba zuelelo Kipende

Nanyi udi diago fumu ya mavu?

Nanyi udi diago fumu ya mavu?

Udi mutangiza egi . . .

  • Nzambi?

  • athu?

  • nga nanyi muko?

 BIBLIA IMUZUELA EGI

“Mavu agasue adi mu uhinyinyi wa muthu wa bola.”1 Yone 5:19.

‘Mun’a Nzambi wajile ha gutshongonona midimo ya Diabulu.’1 Yone 3:8, Mukanda wa Nzambi.

NDAGA YA WAHA MUKUNDA NU EYE

Idi mumonegesa muabonga-muabonga gishina gia malamba aha mavu.Yatuwuwe 12:12.

Uvi tudi nu ikuma ya gudifuelela egi mavu mbadi mubonga.1 Yone 2:17.

 TUAJIYA DIAGO GUTSHIGINA IDI MUZUELA BIBLIA BA?

Ayi, mukunda nu ikuma yiyi itatu:

  • Uhinyinyi wa Satana udi wagufishiwa milonga. Yehowa watshigina diago gusugisa uhinyinyi wa Satana gudi athu. Udi mutendelela ha ‘gushiya Diabulu,’ nu gukatula mayilago malamba agasue abatele Satana.Hebelu 2:14Mukanda wa Nzambi.

  • Nzambi watombele Yesu Klisto haguhinga mavu. Yesu gashigo diago gifwa fumu ya ha mavu wawa mwenya khuta nu wamina. Mukunda nu ufumu wa Yesu, Nzambi watendelele egi ‘udi nu jikhenda gudi athu aleba nu gudi jiphutu. . . . Mba ukula mionyo yaho mu gusagesewa nu gu umbundudi.’Lungimbo 72:13, 14.

  • Nzambi gajiyilego gumba mambo. Biblia imuzuela mwabonga egi ‘idi ndaga ya kola gudi Nzambi ha gumba mambo.’ (Hebelu 6:18) Gula Yehowa watendelela ha gutshita gima, idi gifwa wagitshitshi gale. (Yeshaya 55:10, 11) “Fumu ya ha mavu awa udi mukayewa.”Yone 12:31.

 TANGIZA GALE

Mavu mbakhala luholo lutshi tangwa fumu ya mavu wawa mba wukayewa?

Biblia idi muhana mvutu mu LUNGIMBO 37:10, 11 nu YATUWUWE 21:3, 4.