Ndeye fundo didi milonga

Ndeye kudieji dia mito ya milonga yazonda

Matemue a Yehowa

Kipende

Athu agufwa ajiya diago gujinga luko ba?

Athu agufwa ajiya diago gujinga luko ba?

Aye wazuela itshi . . .

  • ayi?

  • ndo?

  • yajiya gukhala ngenyi?

 BIBLIA IMUZUELA EGI

“Gufuzumuga gua athu agufua . . . mba gukhala.”Makalegelo 24:15, Mukanda wa Nzambi.

NDAGA YA WAHA MUKUNDA NU EYE

Idi guguwalagana hawudi mufuisa muthu wana zumba.2 Kolinto 1:3, 4.

Idi gugukula gu woma wa gufua.Hebelu 2:15.

Idi guguhana gudifuelela ha gumona luko athu’aye a ndando afuile.Yone 5:28, 29.

 TUAJIYA DIAGO GUTSHIGINA IDI MUZUELA BIBLIA BA?

Ayi, mukunda nu ikuma yiyi itatu:

  • Nzambi udi mufugi wa monyo. Biblia idi mutamega Yehowa Nzambi “mudidi wa monyo.” (Lungimbo 36:9; Makalegelo 17:24, 25) Mwene wahuile ima yagasue ya monyo lujingu, walunga diago guhana luko monyo gudi muthu yagufua.

  • Muhugo dia hathomo Nzambi wafuzumwine athu. Biblia imuzuelela athu nage azugishiwe mugufua hash’a mavu—mavuala, makota a mala nu akhetu. Ako atshitshile ndambo ya makumbi phamba mu gufua, uvi muko watshitshile ilumbu iwana mu ndumba!Yone 11:39-44.

  • Nzambi watshigina gufuzumuna athu luko. Yehowa wakwelegenya gufua; gudi mwene, gufua gudi mbalagaji. (1 Kolinto 15:26) Udi ‘mutshigina’ diago gununga mbalagaji yene, gukatula gufua mu njila ya gufuzumuga. Watshigina diago gufuzumuna athu a gufua adi mu matangi’enji nu ha guamona mujinga luko hashi’a mavu.Yobo 14:14, 15.

 TANGIZA GALE

Mukunda natshi tuana kola nu gufua?

Biblia idi muhana mvutu mu GISENDESELO 3:17-19 nu LOMO 5:12.