Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Mvutu jia Mihu 10 Mavuala Ana Gudihula

 MUHU 10

Luholo Lutshi Biblia Yajiya Gungukuatesa?

Luholo Lutshi Biblia Yajiya Gungukuatesa?

MUKUNDA NATSHI IDI NU NDANDO

Biblia idi muzuela egi: “Mbimbi jiagasue jia mu mukanda wa Nzambi jiafundjishiwe gudi Nzambi.” (2 Timote 3:16) Gula mbimbi eji jidi jia giamatshidia, Biblia yajiya guguhana utuameji udi nawo funu.

ITSHI WAJIYA GUKALAGALA?

Tangiza ndaga eyi: David udi muwenda mu gamiyo, uvi ashigo mujiya fundo ditshi adi. Njimbu jidi mu njila jiamonesa egi David ashigo ha fundo adi naye gukhala. David wamona diago egi watota. Idi naye gukhala egi njila yatombele David ha guwenda yakhalele yabola.

Nga wakhalele hafundo dia David, itshi wakhalele naye gukalagala?

TANGIZA THOMO HA GUKALAGALA NDAGA!

Udi nu ndaga jiavula wajiya gukalagala:

  1. Toga utuameji.

  2. Tala Carte géographique, nga GPS (Système de repérage universel).

  3. Landula guwenda uu nu tangua mbawumona njila udi mukamba.

Yadiago, gukalagala ndaga ya thatu gushigo desizio diabonga ndo.

Desizio dia mbadi didi diabonga gubalega diathomo. Tangua diagasue udi muwenda, udi naye gukhala nu carte nga GPS, ha gula igukuatese.

Luholo lumoshi nji, Biblia yajiya gugukuatesa!

Mukanda owu athu ana gutshigina wajiya gu

  • gukuatesa tangua udi mutagana nu malamba mu lujingu

  • gukuatesa ha gudijiya muabonga nu ha gubua muthu wabonga

  • gumonesa luholo lua gukhala nu lujingu luabonga

 MVUTU JIA MIHU YAKOMA YA LUJINGU

Tangua tuana sendesa guzuela, tuana guhula mihu gifua:

  • Mukunda natshi dilu didi nu mukubu wa bleu?

  • Luholo lutshi themua jiakalegewe?

Gungima, tuana guhula mihu yatadila ndaga jia lujingu, gifua:

Mbawuzuela itshi gula wajiya egi mvutu jia mihu eyi jiana khala mu Biblia sendese ginono?

Athu avula ana guzuela egi Biblia yazala pha nu ndaga jia mambo, yahuile gale ndando, nu idi yakola ha gukotelesa. Uvi, mulonga udi diago wa Biblia nga wa ndaga athu ana guzuela mukunda nu Biblia? Yajiya gukhala egi ndaga eji athu aguwambelele mukunda nu Biblia jidi jia mambo.

Athu ako ana gutangiza egi Biblia yana guzuela egi Nzambi wana guhinyina mavu. Uvi, idi ya giamatshidia ba? Mavu azala pha nu malamba, nu gikenene, nu misongo, nu gufua, nu uphutu nu ndaga jiko jiabola. Luholo lutshi Nzambi wa guzumba wajiya gukhala ha gishina gia ndaga jia luholo elu?

Watshigina gujiya mvutu ba? Ndaga Biblia yana guzuela mukunda nu muthu wana guhinyina mavu jiajiya guguyitugisa (gugukemesa)!

Yadiago, wamona egi malongo adi mu gamukanda gaga akatuga mu Biblia. Matemue a Yehowa ana gutshigina egi Biblia idi mukanda wa gushila mutshima handaga ‘wafundjishiwe gudi Nzambi, udi watagana ha gulongesa giamatshidia, ha gutungununa gujimbila gua athu, ha gubela nu ha gutemesa athu ha gukhala mu giamatshidia gia Nzambi.’ (2 Timote 3:16, 17) Gulonguga mukanda owu wasonegewe mu ginono uvi udi nu ndando mangino, mbagugukuatesa diago!