Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Longesa An’aye

 LONGO 13

Timote Wakhadile Gutshigina Gukuatesa Athu

Timote Wakhadile Gutshigina Gukuatesa Athu

Timote wakhadile muvuala wayala, watshiginyile gukuatesa athu. Wawendele mu membo avula hagukuatesa athu. Khadilo diene diamukuatesele akhale nu monyo wagusuanguluga. Watshigina gujiya lumene luenji ba?—

Gina Timote nu khakh’enji wa mukhetu, amulongesele mbimbi ya Yahowa

Timote wakudile mu dimbo dia Listra. Khakha wenji wa mukhetu, Loise nu ginenji Enise, asendesele gumulongesa mbimbi ya Yahowa tangua akhadile galenge. Tangua Timote akudile, wakhadile nu nzala yagukuatesa athu hagujiya Yehowa.

Tangua Timote akhadile muvuala, Pholo wamutogele haguya n’enji gulongesa mbimbi ya Yehowa mu membo ako. Timote watshiginyile! Wakhadile hehi nu guya gukuatesa athu ako.

 Timote nu Pholo ayile mu dimbo dia Maseduwane, mu vile ya Tesalonike. Haguheta guene, awendele thomo hamalu gungima dienji azudile masuwa. Tangua ahetele, akuatesele athu avula hagujiya mbimbi Yehowa. Uvi, athu ako avile khabu, akambele guakalagala gubola. Hene, Pholo nu Timote akatugile mu dimbo diene, ayile mulongesa mbimbi ya Yehowa mu membo ako.

Timote wakhalele nu monyo wabonga, wagusuanguluga

Gungima gua ngonda jiavula, Pholo walezele Timote avutuge luko gu Tesalonike atale aphangi-aklisto. Yalombele gikhesa giavula gua Timote haguvutuga gu dimbo akambele guakalagala gubola! Uvi, Timote wayile mukunda, wakhadile nu gikenene mukunda nu aphangi’enji aklisto a mu dimbo diene. Tangua Timote avutugile gua Pholo, wamubatele lumene luabonga. Wamuwambelele egi aphangi-aklisto a gu Tesalonike akhadile muabonga!

Timote nu Pholo awendele ivo yavula hagulongesa mbimbi ya Yehowa. Lusugu luko Pholo wasonegele egi Timote wakhadile muthu wabalega gubonga wagutuma hagukuatesa mahungu. Timote wakhadile guzumba Yehowa nu athu ako.

Wana guzumba athu ba? Wana gutshigina gukuatesa athu ajiye Yehowa ba?— Gila wana guazumba, wajiya guheta monyo wagusuanguluga luholo lumoshi nu Timote!

TANGA MU BIBLIA YAYE

  • 2 Timote 1:5; 3:15

  • Makalegelo 16:1-5; 17:1-10

  • 1 Tesalonike 3:2-7

  • Filiphi 2:19-22