Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Longesa An’aye

 LONGO 2

Rebeka Watshiginyile Gusuanguluisa Yehowa

Rebeka Watshiginyile Gusuanguluisa Yehowa

Rebeka wakhadile mukhetu wazumbile Yehowa. Jina dia mulumi’enji diakhadile Isaka. Nu muene wazumbile Yehowa. Luholo lutshi Rebeka nu Isaka adimonele? Rebeka wakalegele luholo lutshi hagumonesa egi wathiginyile gusuanguluisa Yehowa? Tute lumene luenji.

Mvuaji jia Isaka jiakhadile Abalahama nu Sarai. Akhadile mu dimbo dia Kanana, Athu a mu dimbo diene akhadileko gukombelela Yehowa ndo. Uvi Abalahama watshiginyile egi mun’enji azule mukhetu wana gukombelela Yehowa. Hene, watumile muenya mudimo wenji, hagukambela Isaka mukhetu mu dimbo dia Harana fundo aphangi’enji akhadile; muenya mudimo muene watumiwe, wajiya gukhala Eliezere.

Rebeka watshiginyile gukalagala mudimo wakola hagunuisa jishamo meya

Eliezere wayile nu enya mudimo ako a Abalahama. Awendele njila yaleha. Ayile nu shamo kumi, abatele ima yagudia nu bakado. Luholo lutshi Eliezere ajiyile mukhetu waguzudila Isaka? Tangua Eliezere nu enya mudimo ako ahetele gu harana, amaganele hehi nu wina umoshi wameya, handaka wajiyile egi athu ana guza muthaya (kutaha) meya hene. Wakombelele Yehowa egi: ‘gila ngalomba muvuala wa mukhetu mumoshi meya, gula wanguhana nawo, wahana luko shamo jiami, mba ngujiya egi muene mukhetu watombela Isaka.’

 Mutangua diene, Rebeka wajile gu wina dia meya. Biblia yazuela egi wakhalele mukhetu wabonga. Eliezere wamutogele meya agunua; Rebeka watshiginyile, wamuwambelele egi: ‘Ayi, Ngudi guguhana meya, ngudi gunuisa nu shamo jiaye.’ Tangiza luholo shamo jiana gunua meya avula gila jidi nu luhungu (phuila), Rebeka wathahele meya iphungu yavula hagunuisa shitu jiene. Wamona ha foto luholo Rebeka adi gukalagala mudimo wakola?— Eliezere wadihudile luholo Yehowa ahanele mvutu gu gukombelela guenji.

Eliezere wahanele Rebeka bakado abonga. Rebeka wabatele Eliezere nu enya mudimo ako gu inzo yawo. Eliezare waalezele gishina Abalahama amutumine nu luholo Yehowa wahanene mvutu gu gukombelela guenji. Fami ya Rebeka yatshiginyile egi Isaka nu Rebeka adi hage.

Rebeka wayile nu Eliezere gu Kanana, hene Isaka amuhagele

Watangiza egi Rebeka watshiginyile egi Isaka amuhage ba?— Rebeka wajiyile egi Yehowa watuamezele Eliezere. Hene, tangua fami y’enji yamuhudile gila watshigina guya gu Kanana nu gudihaka nu Isaka, Rebeka wazuelele egi: ‘Ayi, ngatshigina guya.’ Rebeka wayile nu Eliezere. Tangua ahetele gu Kanana, Isaka wamuhagele.

Yehowa wasagumuine Rebeka, handaka wasuanguluishile mutshima wenji. Gungima dia ivo yavula, Yesu wavadiwe mu giphuta gia Rebeka! Gila udi gusuanguluisa Yehowa gifa Rebeka, Yehowa mba ugusagumuna.

TANGA MU BIBLIA YAYE

  • Gisendeselo 12:4, 5; 24:1-58, 67