Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Akuatshi anakalagala gutshina gua Yehowa mangino?

Udi mukalagala gutshigina gua Yehowa?

Udi mukalagala gutshigina gua Yehowa?

Tua guhua mvudi ya vula luholo wabalegesa matangua ha gutalela gamukanda gaga ha gutujiya esue Mathemua a Yehowa muabonga, ndaga tuana kalagala nu luholo ulondegi wetu wana tuamezewa. Tuatshigina egi gamukanda gaga gagukuatesa ha gumona egi tudi diago athu adi mukalagala gutshigina gua Yehowa mangino. Tua gukolesa ha gukabula guzangula ujiyi wa Nzambi, leza athu ako a fami yaye enji mafuta aye ndaga eji udi mulonguga, nu gudibungisa guaye tangua diagasue nu esue.Hebelu 10:23-25.

Tangua udi mulandula gulonguga ndaga jia talela Yehowa, mba umona egi wana guguzumba muavula. Yene yajiya gugutuma ha gukalagala yagasue ha gumonegesa egi nu aye wa muzumba. (1 Yoane 4:8-10, 19) Uvi luholo tshi wajiya gumonegesa mu lujingu luaye lusugu nu lusugu egi wazumba Nzambi? Mukunda natshi gutumagela shigu jenji idi mukunda nu gubonga guetu? Itshi yajiya gugukuatesa ha gukalagala nu gusuanguluga gutshigina gua Nzambi hamoshi nu esue? Muthu wana gugulonga Biblia wajiya gugudijiga gueteya gua mihu yene hagula aye nu fami “mudibambe mu guzumba gua Nzambi . . . mukunda nu monyo wa ivuo nu ivuo.”Yuda 21NW.

Tudi gugutoga ha gulandula gukula mu njila ya giamatshidia. Ha guyikalagala, longuga mukanda “Gardez-vous dans l’amour de Dieu” gula wamanesela gulonguga mukanda udi mulonguga henyaha.