Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Fami Yaye Yajiya Gusuanguluga

 GITSHINYI 9

Kombelelenu Yehowa mu Fami Yenu

Kombelelenu Yehowa mu Fami Yenu

“Mukombelele yago wafugile dilu nu mavu.”Yatuwuwe 14:7

Luholo wamona mu gamukand’aga, Biblia idi nu mikhuala yavula yajiya gumikuatesa, aye nu fami yaye. Yehowa wana gutshigina egi mukhale nu gusuanguluga. Wamilaya egi gila muasha gikombelelo gienji hafundo diathomo, ‘mba umihua ima iko yagasue.’ (Matayo 6:33) Wana gutshigina egi ubue futa dienji. Kalagala yagasue hagukolesa ufuta waye nu Yehowa. Idi lukuma luabaleka gubonga muthu ajiya guheta.Matayo 22:37, 38.

 1 KOLESA UFUTA WAYE NU YEHOWA

BIBLIA YAZUELA EGI: “‘Ame mbangukhala sh’enu, enue mbamukhala an’ami a mala nu an’ami a akhetu,’ Yehowa udi muzuela ngenyi.” (2 Kolinto 6:18) Nzambi wana gutshikina egi ubue futa dienji wa mutshima. Hagubua futa dienji, khala gumukombelela. Yehowa udi gugutoga egi: ‘kombelela tangua diagasue.’ (1 Tesalonike 5:17) Wana gutshigina umuleze matangi’aye nu gikenene giagasue udi nagio. (Filiphi 4:6) Gila udimukombelela hamoshi nu fami yaye, mba ajiya egi Nzambi udi guene.

Holo dia gumukombelela, udi naye gumutegelela. Wajiya gumutegelela gila udi mulonguga mbimbi y’enji nu mikanda yana gukotelesa Biblia. (Ngimbo 1:1, 2) Tangiza luholo wajiya gukalegela milonga wendji gutanga. (Ngimbo 77:11, 12) Gutegelela Nzambi guatoga luko gudibungisa tangua diagasue mu ibungishilo ya Aklisto.Ngimbo 122:1-4.

Luholo luko lua gukolesa ufuta nu Nzambi ludi gulongesa athu ako milonga idi gumutadila. Gila muaikalagala muavula, mba musuena hehi n’enji.Matayo 28:19, 20.

GIMA WAJIYA GUKALAGALA:

  • Haga tangua dia gutanga biblia lusugu nu lusugu nu dia gukombelela

  • Mu fami yenu, hagenu midimo ya Nzambi hafundo dia thomo, gungima muajiya gukena nga gudiwendesa

2 SUANGULUGENU NU GUKOMBELELA MUFAMI

BIBLIA YAZUELA EGI: “Musuene hehi nu Nzambi, nu muene mbawusuena hehi nu enue.” (Yakoba 4:8) Divisenu tangua dia gukombelela mu fami, kalagalenu phamba luholo muadivi. (Gisendeselo 18:19) Uvi yataganeleko. Nzambi udi naye guheta fundo mu monyo wenu wa lusugu nu lusugu. Gila udi muzuelela mulonga wa Nzambi: ‘hamudi muta maga monzo yenu, hamudi muwenda, hamudi mubanda nu hamudi muzuga’, mba mukolesa ufuta wa fami yenu nu Nzambi. (Mikhuala 6:6, 7) Tagenesa felela diaye luholo lumoshi nu Yoshua wazuelele egi: ‘Uvi ame nu enya nzo yami mbatukombelela getu Yehowa.’Yoshua 24:15.

GIMA WAJIYA GUKALAGALA:

  • Tombenu mene jidi kudivua nu nzala ya muthu wagasue mu fami yenu