Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Septembre 2016

 LUJINGU LUA UKLISTO

Ndaga Tuajiyilego Gukalagala Tangua Tudi Mulonguga Biblia nu Muthu

Ndaga Tuajiyilego Gukalagala Tangua Tudi Mulonguga Biblia nu Muthu
KUZOLEWA
Text
Image

Guzuela Muavula: Utangizago egi udi naye guzuelela ndaga jiagasue. Yesu wakhalele mukalegela mihu mukunda nu gukuatesa athu ha gutangiza nu guzula badesizio abonga. (Mat 17:24-27) Mihu yana gubongesa ulongugi wa Biblia, enji yajiya gu gukuatesa ha gujiya gula muthu wana gulonguga nenji udi mukotelesa nu udi mutshigina ndaga jidi muene mulonguga. (be-F diyiji 253 par. 3-4) Gula wahula muhu, khala nu guhuiminyina, enji nengenena mvutu. Gila muthu muana gulonguga nenji wahana mvutu yabola, hafundo dia gumudijiga mvutu ya bonga, mukuatese nu mihu iko hagula egi ahane mvutu yabonga muene hakhenji. (be-F diyiji 238 par. 1-2) Zuela mu luholo luajiya guhana muthu wana gulonguga nenji njila ya gukotelesa ndaga jia gihe-gihe adi mulonguga.be-F diyiji 230 par. 4.

Gubinda Ndaga: Tuna khadilo dia guzuelela ndaga jiagasue udi mujiya mukunda nu longo mudi mutalela. (Yone 16:12) Zuelela muavula matangi a ndando adi mu paragrafe. (be-F diyiji 226 par. 4-5) Guzuelela ndaga jiagasue jidi mu paragrafe, nga jidi nu funu, guajiya gutotesa matangi a ndando. (be-F diyiji 235 par. 3) Gula muthu mudi mulonguga nenji wakotelesa muabonga ndaga jia ndando, balegenu mu paragrafe yalandula.

Gumanesa Phushi Ndaga Mudi Mulonguga: Felela dietu dishigo egi tumanese muphushi ndaga tudi mulonguga; uvi felela dietu didi dia gukuata mutshima wa muthu. (Luka 24:32) Kalegela ngolo jia Mbimbi ya Nzambi, enji tangenu verse jia ndando jidi mu longo mudi mutalela. (2 Kol 10:4; Heb 4:12; be-F 144 par. 1-3) Kalegela ifezegeselo yaleba. (be-F diyiji 245 par. 2-4) Tangua udi mulonguga nu muthu, ubuitshigo mutshima gu ndaga jia gikombelelo gienji nu malamba adi muene mutagana nawo. Muhule mihu eyi: “Luholo lutshi wana gudivua mukunda nu ndaga udi mulonguga?” “Ndaga eyi idi gutulongesa itshi mukunda nu Yehowa?” “Gubonga gutshi wajiya guheta gula wakalegela longo edi?”be-F diyiji 238 par. 3-5; diyiji 259 par. 1.