Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Octobre 2017

 MAKALEGELO A UKLISTO

Luholo Lutshi Tuajiya Gulonguga Biblia Muabonga

Luholo Lutshi Tuajiya Gulonguga Biblia Muabonga

Watshigina gusala wagujinginyina mu tangua dia lamba gifua Danyele ba? Mukatshi dia ndaga jia longugile Danyele muabonga mu Mbimbi ya Nzambi, tuajiya gutanga nji profesi jiakola. (Dan 9:2) Gulonguga muabonga Biblia guajiya gugukuatesa ha gusala wagujinginyina. Luholo lutshi? Guajiya gukudisa gutshigina guaye egi ndaga jia layile Yehowa mbajitagana diago. (Yosh 23:14) Guajiya nji gugukuatesa ha gukudisa guzumba guaye mukunda nu Nzambi, enji guzumba guene mbagugutuma ha gukalagala ndaga jiabonga. (Ngi 97:10) Uvi ndaga jitshi wajiya gusendesa gulonguga? Talela mihu eyi.

  • Itshi ngudi naye gulonguga? Gulonguga guabonga gudi nji mutadila gulondega gudibungisa gua mu hungu. Gutanga Biblia phoso nu phoso mbagugubatela gubonga gula udi muzula tangua dia gukamba mu mikanda iko ndaga wakoteleselego. Luko, athu ako ana gutomba gulonguga muavula profesi jia Biblia, itshinyi ya bundu dia nyuma ya Nzambi, vuayaje jia gimisionele jia mupostolo Pholo, nga ima yafugile Yehowa. Gula watangiza muhu umoshi wa Biblia, usonege enji kamba mvutu ya muhu wene mu gulonguga guaye gudi muza.

  • Gui ngajiya guheta malongo? Wajiya gutala video Des outils de recherche pour découvrir des trésors spirituels. Ha gujiya gula udi watagana ha guyikalagala, kamba gujiya majina a ngolo jia uhinyinyi wa ha mavu, amonesewa gu shitu jidi muzuelewa mu mukanda wa Danyele mukhapho 7.

  • Matangua guvula gutshi ngudi naye gubalegesa ha gulonguga? Ha gukhala nu sante yabonga mu nyuma, tudi naye gulonguga Biblia lusugu nu lusugu. Wajiya gusendesa gulonguga minuta yazonda, gula luholo ludi guene, gungima wajiya gulezela matangua a gulonguga mage-mage. Gulonguga Biblia gudi gifua muthu udi mukamba umonyi wa gusuega. Gula waheta umonyi wavula, mbayimutuma ha gukamba luko muavula! (Ish 2:3-6) Ngenyi, nzala yaye ya gutanga Biblia mbayikula, enji mbawulandula gunemesa programe yaye ya gulonguga Biblia lusugu nu lusugu.—1Phet 2:2.

SHITU JIDI MUZUELEWA MU MUKANDA WA DANYELE MUKHAPHO 7 JIDI MUMONESA ITSHI?

  • Dan 7:4

  • Dan 7:5

  • Dan 7:6

  • Dan 7:7

MAWUFUMU ABALEGA NGOLO A HA MAVU:

Luholo lutshi Danyele 7:8, 24 yatagenesewe?

MUHU WAJIYA GUDIHULA:

Shitu jia zuelewa mu mukanda wa Yatuwuwe mukhapho 13 jidi mukotelesa itshi?