Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Octobre 2016

 LUJINGU LUA UKLISTO

Wana Gukalegela Muabonga Karte dia Gunginyina mu Site Internet JW.ORG?

Wana Gukalegela Muabonga Karte dia Gunginyina mu Site Internet JW.ORG?

Handaga tangua dia lamba diakola diasuenya hehi, tudi naye gulongesa mbimbi ya Nzambi katshidi. (Ish 24:11, 12, 20) Hagukuatesa athu, tuajiya gukalegela karte dia gunginyina mu site Internet jw.org hagula egi ajiye Mbimbi ya Nzambi nu site Internet yetu. Karte diene didi nu kode yana gutuma hagutala video Gikuma Kitshi Tudi Naye Gulonguga Biblia? nu hagutala luko emvitasio ya gutoga gujiya ndaga jiavula nga ulongugi wa Biblia. Athu ako ana gutshiginago gutanga mikanda yetu, uvi ana gutshigina guya mu site Internet yetu. Ukhadigo nu dute haguahana karte dia gunginyina mu site Internet jw.org. Uvi, tushigo naye guhana karte diene gudi athu ashigo musuanguluga nu mbimbi.

Tangua udi muya mukalagala midimo yaye, wajiya guhana muthu nzala ya mbimbi ya Nzambi. Wajiya gumuwambela egi: “Ngudi mutshigina guguhana gima gimoshi. Karte edi diajiya gugukuatesa ha guya mu site Internet idi nu ndaga nu video jidi muzuelela maga agudisha. Ndaga jiene jidi jia ofele.” (Yone 4:7) Handaga karte dia gunginyina mu site Internet jw.org gadi gazonda, wajiya guwenda nago mukunda nu guhana athu ako gula waheta okazio.