Yehowa wahanele Yelemiya ginemo giakola giakhalele mumonesa desizio dienji dia gushiya enya Yuda nu enya Yelusalema akhalele enya mito yakola nu enya lulendo.

Yelemiya wabatele mukaba walondewe nu mulele wa linene

13:1, 2

  • Mukaba wajitshigile Yelemiya mu mbunda wakhalele mumonesa ufuta wakola wakhalele nawo Yehowa nu enya Isalele

Yelemiya wayile muzangula mukaba gu muta wa Efalata

13:3-5

  • Wawuzanguile moshi’a seso, gungima wavutugile gu Yelusalema

Yelemiya wavutugile luko gu muta wa Efalata ha guzangula mukaba gabembele guene

13:6, 7

  • Wasangele mukaba wabolele gale

Yelemiya watagenesele ginemo giamuhanele Nzambi, gungima Yehowa wakotelesele mukunda natshi akalegele ngenyi

13:8-11

  • Luholo Yelemiya watumagele nu mutshima umoshi mu ndaga yamuwambele Yehowa idi mumonega gifua ya phamba, ludi mumonesa gikhesa giakalegele Yehowa ha gukuata mitshima ya enya Isalele