Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Mars 2016

 YIKADIKILE MU MUDIMO WA GULONGESA

Tukudise Luholo Luetu lua Gulongesa Mbimbi ya Nzambi—Londega Luholo Luaye lua Guhana Mazulunalu

Tukudise Luholo Luetu lua Gulongesa Mbimbi ya Nzambi—Londega Luholo Luaye lua Guhana Mazulunalu
KUZOLEWA
Text
Image

IDI NU NDANDO ITSHI: Luholo lua guhana mazulunalu ludi mu mukanda tuana gukalegela mu gudibungisa ludi nu malongo ajiya gutukuatesa muavula, uvi malongo ene asonegewe ha gutukuatesa tujiye luholo lua gukalagala. Udi naye guzuela mu mbimbi jiaye. Wajiya gukalegela luholo luko lua guhana mazulunalu, wajiya nji guzuelela longo diko diajiya gukuata mitshima ya athu avula a mu terituare yaye. Hangima dia gutanga zulunalu nu dia gutala video ya luholo lua guhana mazulunalu, gila wamona longo diajiya gukuatesa athu a mu terituare yaye, wajiya gutadila ndaga jialandula ha gulondega luholo luaye lua guhana mazulunalu.

LUHOLO LUA GUYIKALAGALA:

Dihule egi, ‘Ngudi naye gutomba luholo lumoshi lua guhana mazulunalu ba?’

AYI

  • Londega mbimbi jiaye jia gisendeselo. Gungima dia gumenega muthu, muwambele gishina wejila gumutala. (Wajiya guzuela egi: “Ngaji haha mukunda nu. . .”)

  • Tangiza gumatuamena ndaga mbawuzuela gungima dia guhula muthu muene muhu, nu gungima dia gutanga verse ya Biblia, nu gungima dia gumuhana mukanda. (Tufezegese: Gutuama dia gutanga verse ya Biblia wajiya guzuela egi, “Tuajiya guheta mvutu yabonga gu muhu wene mu verse yiyi.”)

NDO

  • Tomba longo dingoshi didi mu zulunalu, diajiya gusuanguluisa enya terituare yaye

  • Tomba muhu umoshi waleba wajiya gugukuatesa ha gutuma muthu udi muzuela n’enji ha guzola matangi enji, uvi umuhudigo muhu wakola nga wajiya gumuhana sonyi. (Ha gufezegesa, wajiya gumuhula muhu udi ha diyiji 2 dia zulunalu.)

  • Tomba verse ya gutanga (gubala). (Gila udi muhana Reveillez-vous! Wajiya gutomba gila mbawutanga verse ya Biblia nga ndo, handaga zulunalu yene yakalegewe mukunda nu athu ashigo mujiya ndaga jiavula jia Biblia nu athu anago guzumba gukombelela.)

  • Zuelela ndaga imoshi nga jiyadi jidi mukotelesa luholo mukanda wene mbawukuatesa muthu muene

TANGUA DIAGASUE

  • Bembela muthu muene muhu ha gula tangua dia gumuvutugila luko, mbamuwuzuelele

  • Sonega ndaga muazuedi n’enji ha gula ujiye ndaga ya guzuela lusugu lua gumuvutugila