Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Mai 2016

 LUJINGU LUA UKLISTO

Wana Gukalegela JW Library ba?

Wana Gukalegela JW Library ba?

JW Library idi programe ya ofele mu Internet yajiya gu gukuatesa ha guzula mikanda, ba video, nu programe jiko, mu Internet, ha gujisha mu telefone nga tablete yaye.

LUHOLO LUA GUYIZULA: Ngina mu Internet ha guzula JW Library. Wajiya guyikalegela mu telefone nga tablete jia luholo luagasue. Gila wangina mu Internet, ngina mu JW Library ha gutomba gima watshigina guzula mu telefone nga tablete yaye. Gila ushigo nu luholo lua gungina mu Internet gumbodiaye, wajiya guyikalegela gu Inzo ya Ufumu (gila gudi nu Internet), mu bibliotheque ya athu avula nga mu cyber cafée. Gila wanginyisa mikanda mu telephone nga tablete yaye, ushigo luko nu funu ya Internet ha guyitanga. Uvi, luholo mikanda ihe-ihe yana gumbiwa mu JW Library tangua nu tangua, udi naye gungina mu Internet ha guzula mikanda yene nga ima iko gila idi guene.

MUKUNDA NATSHI GUYIZULA? JW Library yajiya gu gukuatesa muavula ha gulonguga hakhaye, nu tangua dia gudibungisa gua mu hungu. Wajiya luko guyikalegela mu mudimo wa gulongesa, tangua udi muzuela nu muthu muatagana n’enji.